2 वर्षांपूर्वी झाले लग्न, आता कुत्र्यावरुन नवरा-बायकोमध्ये भांडण, दोघांचं काय म्हणणं?

पतीला परदेशी जातीचे कुत्रे खूप आवडतात आणि पत्नीला कुत्रे अजिबातच आवडत नाहीत. इतकेच नाही तर जेव्हा पतीने आपल्या पाळीव कुत्र्याचे भांडे खराब झाल्याचे पाहिले तेव्हा तो पत्नीवर रागावला. यावरून दोघांमध्ये बाचाबाची झाली. यानंतर हे प्रकरण इतके वाढले की, हे पोलीस ठाण्यात पोहोचले.

जगदीशपुर पोलीस ठाणे हद्दीतील तरुणीचे 2 वर्षांपूर्वी दिल्लीत राहत असलेल्या एका तरुणासोबत लग्न झाले होते. तिचा पती एका आंतरराष्ट्रीय कंपनीत नोकरी करतो. महिलेच्या पतीला परदेशी जातीचे कुत्रे पाळण्याची आवड आहे. 6 महिन्यांपूर्वी पती जेव्हा शहराच्या बाहेर गेला तेव्हा त्याने आपल्या पाळीव कुत्र्याची जबाबदारी पत्नीवर दिली.

ते म्हणाले, समुपदेशनादरम्यान, पतीने सांगितले की, पत्नीही आधी कुत्र्यावर प्रेम कराचयी. मात्र, आता ती त्याच्यावर प्रेम करत नाही. पण मी कुत्रा सोडू शकत नाही. तर पत्नीने म्हटले आहे की, मी कुत्र्यासोबत राहू शकत नाही. त्यामुळे सध्या दोघांना पुढची तारीख देण्यात आली आहे, असे ते म्हणाले.