TRENDING:
मृत तरुणाचे नाव हरीश भास्कर बंडी (वय 29, रा. नीलम नगर, सोलापूर) असे आहे. शिवाजी महाराज चौक ते संभाजी महाराज चौक रस्त्यावरील आंबेसेटर हॉटेलजवळ असलेल्या भाग्यलक्ष्मी लॉजच्या दुसऱ्या मजल्यावरील रूम क्रमांक 120 मध्ये आज सकाळी सुमारे अकरा वाजण्याच्या सुमारास ही घटना उघडकीस आली.
APMC Market: डाळिंबाची आवक दबावात, केळीचे दर वाढले, आल्याची काय स्थिती?
advertisement
नातेवाइकांकडून मिळालेल्या माहितीनुसार, हरीश बंडी यांचे एका तरुणीशी प्रेमसंबंध होते. दोन्ही कुटुंबीयांकडून लग्नाबाबत चर्चा करण्यात आली होती; मात्र मुलीच्या आई-वडिलांनी या लग्नास नकार दिल्याने हरीश मानसिक तणावात होता. याच तणावातून त्याने टोकाचे पाऊल उचलल्याचा प्राथमिक अंदाज व्यक्त केला जात आहे.
दिनांक 4 फेब्रुवारी 2020 रोजी सायंकाळी हरीश घरातून बाहेर पडला होता. त्यानंतर तो परत न आल्याने एमआयडीसी पोलीस ठाण्यात त्याच्या बेपत्ता होण्याची तक्रार दाखल करण्यात आली होती. शोध सुरू असतानाच आज त्याचा मृतदेह लॉजच्या खोलीत आढळून आला.
घटनेची माहिती मिळताच फौजदार चावडी पोलिसांनी घटनास्थळी धाव घेऊन मृतदेह शवविच्छेदनासाठी सोलापूर श्री छत्रपती शिवाजी महाराज सर्वोपचार रुग्णालयात पाठवण्यात आला आहे. या घटनेनंतर रुग्णालयात नातेवाइक व मित्रांनी मोठी गर्दी केली होती. या प्रकरणाची सखोल चौकशी करून योग्य ती कारवाई करावी, अशी मागणी नातेवाइकांनी केली आहे.