मी बिन लग्नाचा! 57 वर्षीय व्यापाऱ्याचं भयंकर कांड, 29 वर्षीय महिलेसोबत..., छ. संभाजीनगरच्या घटनेनं खळबळ

पीडित महिला ही शहाबाजार परिसरात एका कपड्यांच्या दुकानात काम करते. तेव्हा तिची आरोपी व्यापाऱ्यासोबत ओळख झाली. पुढे मिर्झा इरफान बेग अहमद बेग याने आपण अविवाहित असल्याचे सांगत तिच्याशी जवळीक वाढवली. 16 मे 2023 रोजी परफ्युम घेण्याच्या बहाण्याने पीडितेला शोरूममध्ये नेले आणि दरवाजा लॉक करून तिच्यावर जबरदस्तीने अत्याचार केले. त्यानंतर लग्नाचे आमिष दाखवत सहा महिन्यांच्या कालावधीत अनेक वेळा अत्याचार केल्याचे फिर्यादीत नमूद आहे.

मिर्झा इरफान बेग याने भाड्याने घर घेतले आणि तो पीडितेसोबत राहू लागला. त्याच काळात त्याच्या मित्रांनी एका मौलानाला घरी बोलावले. निकाह वाचून दाखवण्यात आला आणि मुस्लिम रिवाजानुसार निकाह झाल्याचे सांगितले. मात्र, आरोपी हा आधीपासूनच विवाहित असून त्याला मुले असल्याचे समजले. त्यामुळे दोघांमध्ये वाद वाढत गेला.

आरोपीचं पहिलं लग्न झाल्याचं समजल्यावर दोघांमध्ये वाद झाला. त्यामुळे महिला वेगळी राहू लागली. तरीही आरोपीने तिच्या घरी जाऊन जबरदस्तीने शारीरिक संबंध ठेवले. विशेषत: मार्च 2026 मध्ये पुन्हा अत्याचार केले. त्यानंतर पीडितेने सिटीचौक पोलिसांत धाव घेतली. पोलिसांनी गुन्हा दाखल होताच आरोपी मिर्झा बेग याला बेड्या ठोकल्या आहेत. याप्रकरणी अधिक तपास सुरू आहे.