TRENDING:
अशोक असे या जनावर चोराचे नाव आहे. जनावरांची चोरी करणारा अट्टल चोर मागील अनेक वर्षापासून केवळ महाराष्ट्र नाही तर कर्नाटकात देखील सक्रिय आहे. पोलिसांना तो लातूरमध्ये आल्याची माहिती खबरींकडून मिळाली.त्यानंतर पोलीस त्याला पकडण्यासाठी येत असल्याचे कळताच हा सराईत थेट गटरातच जाऊन लपला, फक्त चेहरा बाहेर ठेवला होता. मात्र पोलिसांनी गटरात घाणीने माखलेल्या अशोकला अलगद बाहेर काढलं. एवढ झाल्यानंतर देखील सुटून जाण्यासाठी तो धडपड करत होता. पोलिसांच्या अंगावर घाण टाकण्याचा प्रयत्न करत होता, जेणेकरून त्याला पळ काढता येईल.
advertisement
अशोकची धुलाई अन् बघ्यांची गर्दी
पोलिसांनी देखील अशोकला गटारातून उचलला आणि थेट एका वॉशिंग सेंटरवर आणला आणि त्याची चांगलीच धुलाई केली. ही बातमी परिसरात इतक्या वेगाने पसरली की वॉशिंग सेंटरवर बघ्यांची गर्दी झाली. हा सगळा प्रकार रेल्वे स्टेशन भागात घडला. अशोकची पाण्याने धुलाई केल्यानंतर पोलिसांनी मग त्याची वरात पोलिस स्थानकाकडे नेली, मात्र अशोकची धुलाई हा दिवसभर चर्चेचा विषय ठरला.
उदगीर पोलीस तपास करत आहे
महाराष्ट्र आणि कर्नाटकात जनावरांची चोरी करायचा. उदगीर आणि कर्नाटकातील काही भागात म्हशी चोरण्यात तो पटाईत होता. पोलिसांनी अशोकला अटक केली असून त्याने कुठे कुठे जनावरे चोरली, ती कुठे विकली याचा तपास उदगीर पोलीस करत आहेत.