"आपण लग्न करू", असं आश्वासन देत फेसबुक फ्रेंडने ठेवले शारीरिक संबंध, आता देतोय धमकी, तरूणीला हवाय तिचा हक्क

सदर घटना ही झाशीमध्ये घडली आहे. नोएडामधील एका तरुणीची फसवणूक आणि शारीरिक शोषण झाल्याचे गंभीर प्रकरण उघडकीस आले आहे. फेसबुकवर झांसीच्या एका तरुणाशी झालेली मैत्री प्रथम प्रेमात बदलली. एकमेकांसोबत राहण्याची आश्वासनं दिली, 7 वर्षे प्रेम बहरत राहिलं. संबधित तरुणाने सात वर्षे एकत्र जगण्या-मरण्याचे वचन दिले. तरुणीचा विश्वास संपादित केला आणि प्रत्येकवेळी तरुणीसोबत शारीरिक संबंध ठेवत गेला. पण आता हा तरुण स्पष्टपणे लग्न करण्यास नकार देत आहे.

advertisement

न्यायासाठी झांसी गाठलेल्या पीडितेचा आरोप

झांसीला पोहोचलेल्या पीडितेने आरोप केला आहे की, तरुण केवळ तिच्याशी लग्न करण्यास नकार देत नाही, तर जर तिने याबद्दल कोणाला सांगितले तर तो तिचे फोटो आणि व्हिडिओ सोशल मीडियावर व्हायरल करण्याची धमकी देत आहे. सात वर्षे विश्वास ठेवल्याने शोषण झालेल्या पीडितेला आता न्यायासाठी दारोदारी फिरावे लागत आहे. अखेरीस, सोमवारी तिने झांसी एसएसपी कार्यालयात पोहोचून संपूर्ण प्रकरणाची तक्रार दाखल केली आणि कारवाईची मागणी केली.

पीडिता म्हणाली की, "तिने त्याच्यावर पूर्ण विश्वास ठेवला होता. तो वारंवार मला लग्न करू असं सांगायचा, याच विश्वासावर मी त्याच्यासोबत सात वर्षे राहिले, पण आता त्याने माझ्याशी लग्न करण्यास नकार दिला आहे आणि मला बदनाम करण्याची धमकी देत आहे. प्रशासनाकडून मला न्याय मिळावा, अशी मागणी मी करते."

तपासाला सुरुवात

सध्या पोलिसांनी तक्रार दाखल करून प्रकरणाचा तपास सुरू केला आहे. अधिकाऱ्यांचे म्हणणे आहे की, प्रकरणाची गांभीर्य लक्षात घेऊन लवकरच योग्य कारवाई केली जाईल. या घटनेमुळे सोशल मीडियावर तयार होणारे संबंध किती धोकादायक ठरू शकतात, याचा पुन्हा एकदा विचार करण्यास भाग पाडले आहे, जेव्हा त्यांची पायाभरणी फसवणूक आणि धोक्यावर आधारित असते.

हे ही वाचा : ST Bus Accident: एसटी बसची केबिनच चक्काचूर झाली, चालकाचा जागेवरच मृत्यू, कोल्हापुरातील भीषण PHOTOS

हे ही वाचा : मंदिरात रक्ताचा सडा! बळी पाहण्यासाठी तो गेला अन् त्याचा हात धडावेगळा झाला, जखमी मुलाच्या आईचा गंभीर आरोप