समोर आलेल्या माहितीनुसार, काही वर्षापूर्वी दारूच्या अधिक सेवनाने आरोपीच्या वडिलाचा मृत्यू झाला, त्यामुळे बारचालक आणि वाईन शॉप चालकांविरोधात त्याच्या मनात संताप होता. त्यामुळेच त्यांनी चोरी करण्याचे ठरवले आणि शहरातील 8 दुकानात चोरी केल्याची कबुली पोलिसांना दिली आहे. मात्र चोरीच्या पैशातून तो गांजाची नशा करत असल्याची बाब पोलिस चौकशीतून समोर आली आहे.
advertisement
सीसीटीव्ही तपासून आरोपीला अटक
31 जुलै रोजी त्याने राणी दुर्गावती चौकातील मयुरी सावजी बारमध्ये अशीच चोरी केली. तेथून रोख रक्कम 36 हजार रुपये आणि सिगारेटची पाकिटे असा 40 हजाराचा मुद्देमाल लंपास केला. मालक निलेश देवानी यांच्या तक्रारीवरून गुन्हा दाखल करण्यात आला आहे.. तर पोलिसांनी सीसीटीव्ही तपासून आरोपी राजाला अटक केली आहे. त्याने गुन्हे केल्याची कबुली दिली आहे..
पुण्यात मौजमजेसाठी चोरी करणारा अटक
स्वतःच्या मौज मजेसाठी गाड्यांची चोरी करणाऱ्या आरोपीला पुणे पोलिसांनी अटक केली आहे. आरोपीकडून 5 दुचाकी पोलिसांनी जप्त केल्या आहेत. पुण्यातील नाना पेठ परिसरात आरोपी अनेकदा गाड्यांची चोरी करायचा. सुजल जितेश जगताप असं अटक केलेल्या आरोपीचे नाव आहे. एका अल्पवयीन मुलाची मदत घेत आरोपी नाना पेठ परिसरात गाड्यांची चोरी करायचा. चार यमाह RX 100 आणि एक होंडा कंपनीची दुचाकी गेल्या सहा महिन्यात आरोपीकडून चोरी करण्यात आल्या होत्या