8 जून रोजी या महिलेचं विकीसोबत भांडण झालं, त्यानंतर तो तिला सोडून गेला. यानंतर ती महिला तिचा लिव्ह इन पार्टनर विकीचा शोध घेण्यासाठी चंदन नगरमध्ये पोहोचली. मात्र तिला विकीचं घर माहित नव्हतं. अशा परिस्थितीत तिने अनेक घरांमध्ये जाऊन बेल वाजवली. मात्र मध्यरात्री दारावरची बेल वाजल्याने भीतीपोटी लोकांनी दार उघडलं नाही. यानंतर एक महिला रात्री बेल वाजवून घराबाहेर रडत असल्याची अफवा परिसरात पसरली. महिला आणि तिचा लिव्ह-इन पार्टनर विकी शाक्य यांची पडताळणी केल्यानंतर पोलिसांनी ही बाब उघड केली.
advertisement
रहिवाशांनी सांगितलं की, 'महिला रात्री बेल वाजवते आणि भितीदायक आवाजात रडते. रात्री नातेवाईक आणि कुटुंबीयांना दार उघडण्याची भीती वाटते. त्यांनी पोलिसांना मदतीची विनंती केली आहे.
ग्वाल्हेरचे सीएसपी अशोक जदौन म्हणाले, ग्वाल्हेर पोलीस स्टेशन हद्दीतील चंदन नगर येथील रहिवाशांनी तक्रार केली होती की, एक महिला रात्री त्यांच्या घराची बेल वाजते आणि रडते आणि त्यांना त्रास देते. सीसीटीव्ही फुटेजच्या आधारे महिलेची ओळख पटली. महिलेचं तिच्या प्रियकराशी भांडण झालं. महिलेला प्रियकराचं घर माहीत नसल्याने ती अनोळखी व्यक्तींना त्रास देत होती. रहिवाशांचे जबाब घेण्यात आले आहेत. गुन्हा दाखल झाला नाही, त्यामुळे कायदेशीर कारवाई केली जात नाही.