TRENDING:
या प्रकरणी शेख शफीक शेख सलमान, गौसिया बेगम शेख शफीक, शेख शफीक उर्फ शेख साहब (सर्व रा. सलमान हॉल, दिल्ली गेट), शेख जमील शेख गुलाम रसुल (34, रा. ईदगाह झोपडपट्टी, रोजेबाग) आणि शेख इम्रान शेख गफ्फार (रा. कैसर कॉलनी) यांच्याविरुद्ध सिटीचौक पोलीस ठाण्यात गुन्हा दाखल करण्यात आला आहे. एकतानगर परिसरातील गोरख मानसिंग चव्हाण (60) यांनी याबाबत फिर्याद दिली. चव्हाण हे पोलीस उपनिरीक्षक पदावरून सेवानिवृत्त झाले असून सध्या जिल्हा न्यायालयात वकिली व्यवसाय करतात.
advertisement
Thane : विजयाचे सेलिब्रेशन पडलं महागात, ठाण्यात फटाके फोडताना कारवर पडल्या ठिणग्या; VIDEO पाहा
तक्रारीनुसार, 2023 मध्ये यासीन खान यांच्या माध्यमातून चव्हाण यांची ओळख शेख इरफान याच्याशी झाली. इरफान जमीन खरेदी-विक्रीचा व्यवसाय करत असल्याचे सांगत त्याने हिमायतबाग परिसरातील चाऊस कॉलनी येथील गट क्रमांक 19/1 मधील 18.7 आर जमीन विक्रीस असल्याची माहिती दिली. ही जमीन शेख जमील यांच्या नावावर असल्याचे सांगत इरफान आणि त्याच्या कुटुंबीयांनी चव्हाण यांचा विश्वास संपादन केला.
यानंतर आरोपींनी सातारा परिसरातील रो-हाऊस विक्रीचा तात्पुरता करार केला. मात्र त्या व्यवहारातील सहमालकाने इरफानने कोणतीही रक्कम दिलेली नसल्याचे स्पष्ट केल्याने संशय निर्माण झाला आणि फसवणुकीचा प्रकार उघडकीस आला. त्यानंतर चव्हाण यांनी आर्थिक गुन्हे शाखेकडे तक्रार दिली. तपासानंतर सिटीचौक पोलीस ठाण्यात गुन्हा दाखल करण्यात आला असून पुढील तपास आर्थिक गुन्हे शाखेचे निरीक्षक संभाजी पवार करीत आहेत.
दरम्यान, आरोपींनी पैसे परत देणे शक्य नसल्याचे सांगत हिमायतनगर परिसरातील प्लॉट क्रमांक 83 ते 86 देण्याचे आश्वासन दिले. मात्र प्रत्यक्ष खरेदीखत न करता केवळ नोंदणीकृत मुखत्यारनामा करून देण्यात आला आणि त्या प्लॉटचा ताबा देखील देण्यात आला नाही. पुढे दिल्ली गेट येथील सलमान हॉलमधील दोन दुकाने विक्री करण्याचा करार करण्यात आला. दुकाने ताब्यात घेण्यासाठी चव्हाण व त्यांचे भागीदार गेले असता शेख शफीक उर्फ शेख साहब याने बंदूक दाखवत पुन्हा येथे आलात तर गोळी घालण्याची धमकी दिल्याचे तक्रारीत नमूद आहे.
हा संपूर्ण व्यवहार 2 कोटी रुपयांत ठरला होता. त्यानुसार चव्हाण यांनी 20 लाख रुपये आरटीजीएसद्वारे दिले, तर त्यांचे मित्र यासीन खान यांनी विविध तारखांना रोख रक्कम दिली. 15 ते 20 फेब्रुवारी 2024 या कालावधीत एकूण 1 कोटी 33 लाख रुपये इरफान याला देण्यात आले. ही रक्कम मिळाल्याची नोंद त्याने स्वतःच्या हस्ताक्षरात रजिस्टरमध्ये लिहून दिल्याचे फिर्यादीत नमूद आहे.
मात्र एवढी मोठी रक्कम घेतल्यानंतरही इरफानने जमीन नोंदणीकृत करून देण्यास टाळाटाळ केली. पैसे परत मागितल्यावर त्याने जुलै 2024 मध्ये समजुतीचा करार करत 40 लाख रुपयांचे तीन धनादेश दिले. परंतु हे धनादेश बँकेत वटले नाहीत. त्यानंतर दिलेले इतर धनादेशही खाते बंद असल्याने परत आल्याचे समोर आले.