TRENDING:
सांगलीत शिंदेमळा कुरणे गल्लीत पत्नीची डोक्यात कुऱ्हाड घालून निर्घृण खून करण्यात आल्याची घटना सकाळी घडली आहे. घरगुती वादातून पतीनेच पत्नीच्या मानेवर कुराडीने हल्ला करीत तिचा खून केला. पतीच्या हल्ल्यात पत्नी अनिता सीताराम काटकर हिचा जागीच मृत्यू झाला आहे. तर पती स्वतः हा पोलीस स्टेशन मध्ये हजर झाला आहे.
मानेवर कुऱ्हाडीने घाव घातला
advertisement
समोर आलेल्या माहितीनुसार, अनिता काटकर या भाजी विक्रीचा व्यवसाय करत होत्या. तर पतीही तिच्या सोबत भाजी विक्री करत होता. आज सकाळी राहत्या घरी पती सिताराम काटकर आणि पत्नीमध्ये काही शुल्लक कारणांवरून वाद झाले. त्यानंतर पत्नीच्या मानेवर कुऱ्हाडीने घाव घातला. या वर्मी घावात अनिताचा जागीच मृत्यू झाला. खुनाच्या घटनेनंतर पती सिताराम काटकर हा स्वतःहून पोलीसात हजर झाला. शिंदेमळा कुरणे गल्लीत घडलेल्या घटनेने खळबळ माजली आहे. पहाटे साडे पाचच्या सुमारास खुनाचा प्रकार घडला आहे.
घरगुती वादातूनच खून
तर घटनेनंतर संजयनगर पोलीसांनी घटनास्थळी धाव घेत मृतदेह उत्तरीय तपासाणीसाठी शासकीय रुग्णालयात दाखल केला. घरगुती वादातूनच खून झाल्याचे बोललं जातं आहे.