प्रसन्न भरत चव्हाण (रा. भरतगाव, ता. सातारा) असे अटक केलेल्या संशयिताचे नाव आहे. या घटनेची तक्रार उदय वासुदेव आपटे (वय 67, रा. शुक्रवार पेठ, सातारा) यांनी पोलीस ठाण्यात दिली आहे.
महिलांचा प्रतिकार आणि नागरिकांची मदत
ही घटना 10 ऑगस्ट रोजी रात्री साडेआठच्या सुमारास घडली. तक्रारदार उदय आपटे यांच्या पत्नी उर्मिला आणि बहीण माधुरी या दोघी शाहू कला मंदिराच्या परिसरातून पायी जात होत्या. त्यांच्या मागून आलेल्या संशयित तरुणाने अचानक माधुरी यांच्या गळ्यातील सुमारे 2 लाख रुपये किमतीचे सोन्याचे मंगळसूत्र जबरदस्तीने हिसकावून घेतले. अचानक घडलेल्या या घटनेने महिला सुरुवातीला घाबरल्या, पण त्यांनी लगेच प्रतिकार करत मदतीसाठी आरडाओरडा केला.
advertisement
2 नागरिकांनी चोरट्याला पकडले आणि...
महिलांचा आवाज ऐकून दिलीप जाधव (रा. बोडारवाडी, ता. सातारा) आणि असिफ भालदार (रा. भवानी पेठ, सातारा) या दोघांनी तात्काळ चोरट्याचा पाठलाग सुरू केला. चोरटा गर्दीतून पळून जाण्याचा प्रयत्न करत होता, पण या दोघांनी आणि इतर नागरिकांनी त्याला घेरले. नागरिकांनी त्याला पळू दिले नाही आणि जागीच पकडले. संतप्त जमावाने त्याला चांगलाच चोप दिला.
घटनेची माहिती मिळताच शाहूपुरी पोलिसांनी घटनास्थळी धाव घेतली. पोलिसांनी चोरट्याकडून चोरलेले मंगळसूत्र जप्त केले आणि त्याला ताब्यात घेऊन उपचारासाठी रुग्णालयात नेले.
हे ही वाचा : 'माझ्याशी बोल, नाहीतर...', नराधमाने धमकी दिली, नंतर गोठ्यात नेलं अन् विवाहितेसोबत भयानक कृत्य केलं!
हे ही वाचा : कोल्हापुरात चोरट्यांचं खतरनाक धाडस! भरदुपारी-भरवस्तीत फोडलं घर, चोरी 'इतकी' मोठी की, पोलिसांचीही उडाली झोप!