Mirzapur- The Film: आधी OTT गाजवलं, आता ‘मिर्झापूर: द फिल्म’ थिएटरमध्ये धुमाकूळ घालणार, कधी होणार रिलीज?

‘मिर्झापूर: द फिल्म’ ची शुटिंग पूर्ण झाल्याची माहिती अली फजलने इन्स्टाग्रामवर पोस्ट शेअर करत माहिती दिली आहे. शुटिंग दरम्यानचे वेगवेगळे भाग एडिट करून प्रोड्युसरने हा व्हि़डिओ एडिट केलेला आहे. आता पुन्हा एकदा या चित्रपटाची सोशल मीडियावर जोरदार चर्चा होत आहे. चित्रपटाची संपूर्ण शुटिंग अखेर संपली असून याची घोषणा निर्मात्यांनी त्यांच्या सोशल मीडियाच्या माध्यमातून केली आहे. दमदार आणि थरारक थीम म्युझिकसह शेअर केलेल्या पोस्टमध्ये, ‘It’s a wrap! #MirzapurTheFilm’ असे कॅप्शन देऊन व्हिडिओ शेअर केला आहे. हा व्हिडिओ पाहून चाहत्यांनी कमेंट करत चित्रपटासाठी फार उत्सुक असल्याची प्रतिक्रिया दिली आहे.

advertisement

दमदार पात्रं आणि रॉ स्टोरीटेलिंगमुळे मिर्झापूरने गेल्या काही वर्षांत मोठी फॅन फॉलोइंग तयार केली आहे. आता ही कथा मोठ्या पडद्यावर येत असल्याने प्रेक्षकांच्या अपेक्षा आणखी वाढल्या आहेत. ओरमॅक्स सिनेमॅटिक्सच्या सर्वाधिक प्रतिक्षित हिंदी चित्रपटांच्या यादीत ‘मिर्झापूर: द फिल्म’ने आपलं स्थान मिळवलं आहे. विशेषतः आयकॉनिक पात्र मुन्ना भैय्या च्या पुनरागमनासाठी चाहते मोठ्या उत्सुकतेने वाट पाहत आहेत. पुनीत कृष्णा निर्मित आणि गुरमीत सिंग दिग्दर्शित ‘मिर्झापूर: द फिल्म’ 2026 मध्ये प्रदर्शित होणार आहे. चित्रपटात कालीन भैय्या (पंकज त्रिपाठी), गुड्डू पंडित (अली फजल), मुन्ना त्रिपाठी (दिव्येंदु) यांच्यासह अभिषेक बॅनर्जी देखील महत्त्वाच्या भूमिकेत दिसणार आहेत.

स्थानिक राजकारण, खुर्चीसाठी सूड आणि रक्तरंजित राजकारण या सर्वांचा अनुभव प्रेक्षकांना आता चित्रपटातून अनुभवायला मिळणार आहे. भव्य दिव्य रुपेरी पडद्यावर हा चित्रपट प्रेक्षकांना केव्हा पाहायला याची अद्याप माहिती मिळालेली नाही. नुकतेच चित्रपटाची शुटिंग आटोपली असून यानंतर आता चित्रपटाच्या एडिटिंग कामाला सुरूवात होईल. चित्रपट बॉक्स ऑफिसवर रिलीज झाल्यानंतरच्या आठ आठवड्यांनंतर भारतासह 240 हून अधिक देशांमध्ये आणि प्रदेशांमध्ये प्राईम मेंबर्ससाठी ओटीटीवर पाहण्यासाठी उपलब्ध होणार आहे.