सगळं संपलं! अस्वस्थ झाले अमिताभ बच्चन; अभिषेक बच्चननं अपेक्षाही नव्हती ते केलं

अमिताभ बच्चन अनेकदा सोशल मीडियावर पोस्ट करत असतात, त्यांच्या ब्लॉगवर त्यांच्या भावना आणि विचार शेअर करतात. 20 फेब्रुवारीला रात्री त्यांनी त्यांचा मुलगा अभिषेक बच्चनबद्दल एक भावनिक पोस्ट लिहिली आहे.

advertisement

त्यांनी त्यांच्या ब्लॉगमध्ये म्हटलं की, "एकटेपणा, चिंता आणि अस्वस्थता जाणवत होती. पण माझा मुलगा... न सांगता अचानक माझ्या खोलीत आला आणि चिंता, अस्वस्थता, नकारात्मकता सगळं संपलं" अभिषेक अद्भुत आहे, एक पाटर्नर, एक मित्र आणि खूप काही...., असं म्हणत अमिताभ यांनी अभिषेकचं कौतुक केलं आहे.

या पोस्टमधून अमिताभ यांनी ते चिंतेत असताना अभिषेकने अचानक येत कसं त्यांना त्यातून बाहेर काढला, कसा तो त्यांच्यासाठी एक श्वास बनला हे सांगितलं आहे.

अमिताभ यांनी त्यांचा मुलगा अभिषेकची प्रशंसा करण्याची ही पहिलीच वेळ नाही. त्यांनी यापूर्वी त्याला त्यांचा खरा उत्तराधिकारी म्हटलं होतं. त्यांनी त्याच्या अभिनयाचंही कौतुक केलं आहे.