TRENDING:
पुढच्या दोन दिवसांसाठी रोहित शेट्टीने त्याचे सर्व काम रद्द केले असून त्याने त्याच्या जवळच्या मित्रांना पुढील किमान 48 तासांसाठी तरी न भेटण्याची विनंती केली आहे. इंडिया टुडेने दिलेल्या वृत्तानुसार, "रोहितची मुंबई पोलिसांकडूनही चौकशी सुरू आहे, तो त्यांना देखील चौकशीसाठी सहकार्य करत आहे. अभिनेत्याने त्याचा जबाब नोंदवला असून तो तपासात पूर्णपणे सहभागी आहे. त्याच्या घरी मुंबई पोलिसांकडून कडक सुरक्षा व्यवस्था ठेवण्यात आली आहे. परंतु रोहितने त्याच्या फिल्म इंडस्ट्रीतील सर्व मित्र मंडळींना त्याच्या घरी येऊ नये, अशी विनंती केली आहे. तो त्यांच्याशी फक्त फोन कॉल आणि मेसेजद्वारे संवाद साधत आहे."
advertisement
पोलिस अधिकाऱ्यांनी दिलेल्या माहितीनुसार, शनिवार आणि रविवारच्या मध्यरात्री रोहित शेट्टीच्या घराबाहेर एका आंतरराष्ट्रीय गुन्हेगाराच्या टीमकडून चार गोळ्या झाडल्या. गोळीबारानंतर लगेचच, जुहू परिसरातील शेट्टीच्या निवासी टॉवरभोवती मोठा पोलिस बंदोबस्त तैनात करण्यात आला. मुंबई पोलिस आणि फॉरेन्सिक टीमने घटनेच्या सविस्तर चौकशीसाठी परिसराची संपूर्ण चौकशी करण्यात आली. दरम्यान, गोळीबाराच्या या घटनेत कोणीही दुखापत झाले नाही. पुणे शहर पोलीस अधिकाऱ्यांनी दिलेल्या माहितीनुसार, गोळीबाराच्या संदर्भात पुण्यातून चार संशयितांना ताब्यात घेण्यात आले आहे आणि पुढील तपासासाठी त्यांना मुंबई गुन्हे शाखेकडे सोपवण्यात आले आहे. पुण्यातील धायरी, वारजे आणि कर्वेनगर परिसरातून आरोपींना अटक करण्यात आली आहे.