TRENDING:
रितेश देशमुख दिग्दर्शित, 'राजा शिवाजी' चित्रपट 1 मे 2026 पासून संपूर्ण देशभरातल्या थिएटरमध्ये रिलीज होणार आहे. चित्रपटाची सध्या प्रेक्षकांमध्ये जोरदार क्रेझ पाहायला मिळत असून चाहते टीझरसाठी उत्सुक आहेत. छत्रपती शिवाजी महाराजांच्या पराक्रमाची, स्वाभिमानाची आणि स्वराज्याच्या स्थापनेच्या प्रवासाची झलक शिवप्रेमींना मोठ्या पडद्यावर पाहायला मिळणार आहे. रितेश देशमुख दिग्दर्शित आणि मुख्य भूमिकेत असलेल्या या चित्रपटात भारतातील एका महान योद्धाची गाथा आणि स्वराज्य स्थापनेचा संघर्ष टीझरमध्ये पाहायला मिळणार आहे. या चित्रपटाच्या संगीताची जबाबदारी अजय- अतुल यांच्या खांद्यावर आहे.
advertisement
जिओ स्टुडिओज प्रस्तुत आणि मुंबई फिल्मच्या बॅनरखाली चित्रपट तयार झालेला आहे. जेनिलिया देशमुख आणि ज्योती देशपांडे यांनी चित्रपटाची निर्मिती केलेली असून चित्रपटाचे दिग्दर्शन स्वत: रितेश देशमुखने केलेले आहे. महाराष्ट्र दिनाचे औचित्य साधून 'राजा शिवाजी' चित्रपट संपूर्ण देशभरात रिलीज होणार आहे. मराठी, हिंदी आणि तेलुगु या तीन भाषांमध्ये बॉक्स ऑफिसवर रिलीज होणार आहे. अद्याप रितेशने 'राजा शिवाजी'चित्रपटाचे पोस्टर शिवाय कोणतेही अपडेट शेअर केलेली नाही. त्यामुळे रितेश देशमुखला पहिल्यांदाच 'राजा शिवाजी' चित्रपटामध्ये छत्रपती शिवाजी महाराजांच्या भूमिकेत पाहण्यासाठी चाहते कमालीचे उत्सुक आहेत.