TRENDING:
गौतमीच्या ठुमक्यांनी कळवा दणाणला
होळीचं संगीत, गुलालाची उधळण आणि समोर हजारो चाहत्यांची गर्दी... अशा वातावरणात गौतमी पाटील स्टेजवर अवतरली. 'बलम पिचकारी' आणि 'होली है' सारख्या सुपरहिट गाण्यांवर तिने सादर केलेल्या नृत्यामुळे उपस्थित तरुणाई घायाळ झाली. फक्त तरुणच नाही, तर अबालवृद्धांनीही गौतमीच्या तालावर ठेका धरला. कळव्यातील या उत्सवाने आज मुंबई-ठाण्यातील इतर सर्व कार्यक्रमांना मागे टाकलं, असं म्हटलं तर वावगं ठरणार नाही.
advertisement
मुलासाठी विशाखा सुभेदारची भावुक साद, विनंतीनंतर राज्य सरकारकडून हालचालींना वेग, CMO कडून फोन
जितेंद्र आव्हाडांची हजेरी अन् गौतमीचा आदर
या रंगांच्या उत्सवाला आणखी रंगत आली ते राष्ट्रवादी काँग्रेस (शरदचंद्र पवार पक्ष) गटाचे नेते आणि आमदार जितेंद्र आव्हाड यांच्या उपस्थितीमुळे. आव्हाड साहेब स्टेजवर येताच गौतमीने त्यांचे चरणस्पर्श करून अभिवादन केले. गौतमीच्या या कृतीने उपस्थितांची मनं जिंकली. जितेंद्र आव्हाड यांनीही अत्यंत आपुलकीने गौतमीशी संवाद साधला आणि तिची विचारपूस केली.
एकमेकांना रंग लावत दिल्या होळीच्या शुभेच्छा
कार्यक्रमादरम्यान जितेंद्र आव्हाड आणि गौतमी पाटील यांनी एकमेकांना गुलाल लावून होळी साजरी केली. आव्हाडांनी सर्व कार्यकर्त्यांना आणि गौतमीला होळीच्या मनापासून शुभेच्छा दिल्या. तर, "इतक्या मोठ्या व्यासपीठावर मला संधी दिल्याबद्दल मी आमदार साहेबांची आभारी आहे," अशा शब्दांत गौतमीनेही आपली कृतज्ञता व्यक्त केली.