TRENDING:
नेटफ्लिक्स इंडियाने या चित्रपटाची घोषणा करताना एक मजेशीर टीझर शेअर केला आहे. ज्याला त्यांनी कॅप्शन दिलंय, "एक आई, दोन बहिणी आणि एक अतिशय भयंकर कांड!" टीझरवरून स्पष्ट होतंय की, माधुरी दीक्षित यात एका बिनधास्त आईच्या भूमिकेत दिसणार आहे, तर तृप्ती डिमरी तिच्या मोठ्या लेकीच्या भूमिकेत असेल. या दोघींच्या नात्यातील चढ-उतार, विनोदी प्रसंग आणि घरगुती ड्रामा हे या चित्रपटाचे मुख्य आकर्षण ठरणार आहे.
advertisement
माधुरी-तृप्तीच्या साथीला तगडी स्टारकास्ट
केवळ माधुरी आणि तृप्तीच नाही, तर या चित्रपटाची स्टारकास्ट अतिशय हटके आहे. छोटी बहीण म्हणून प्रसिद्ध डिजिटल कंटेंट क्रिएटर धर्ना दुर्गा यामध्ये दिसणार आहे, जिच्या कॉमेडीचे लाखो चाहते आहेत. तसेच, अष्टपैलू अभिनेता रवी किशन एका महत्त्वाच्या भूमिकेत झळकणार असून, त्यांच्या येण्याने कथेला एक वेगळेच वळण मिळणार आहे. अनुभवी कलाकार आणि नव्या दमाच्या नवोदित कलाकारांचा हा मिलाफ प्रेक्षकांसाठी मनोरंजनाची मेजवानीच असेल.
लग्नानंतर प्राजक्ता गायकवाडचा पहिलाच चित्रपट, 'महाराणी येसुबाईं'नंतर साकारणार 'ही' ऐतिहासिक भूमिका
'तुम्हारी सुलू' आणि 'जलसा' सारखे संवेदनशील आणि तितकेच रंजक चित्रपट देणारे सुरेश त्रिवेणी यांनी चित्रपटाचे दिग्दर्शन केले आहे. पात्रांच्या भावभावनांशी खेळण्यात त्यांचा हातखंडा आहे, त्यामुळे 'माँ-बहन' हा केवळ विनोदी चित्रपट न राहता मनाला भिडणारी एक कौटुंबिक कथा ठरेल, अशी अपेक्षा आहे. अबुदंशिया एंटरटेनमेंटच्या बॅनरखाली या चित्रपटाची निर्मिती करण्यात आली असून, मे २०२५ पासून मुंबईत याचं चित्रीकरण सुरू होतं.
नेटफ्लिक्स ओरिजिनल म्हणून प्रदर्शित होणारा हा चित्रपट जागतिक स्तरावरील प्रेक्षकांना डोळ्यासमोर ठेवून बनवण्यात आला आहे. माधुरीचा चिरतरुण वावर आणि तृप्तीची वाढती लोकप्रियता यांचा हा कॉम्बो डिजिटल प्लॅटफॉर्मवर नक्कीच धमाका करेल.