अभिनेत्री प्राजक्ता गायकवाडनं नुकताच तिचा वाढदिवस साजरा केला. वाढदिवसाच्या निमित्तानं प्राजक्ताच्या नव्या सिनेमाचं पहिलं पोस्टर रिलीज करण्यात आलं आहे. 'वीर मुरारबाजी' असं तिच्या नव्या सिनेमाचं नाव असून हा एक ऐतिहासिक सिनेमा आहे. पुरंदरची युद्धगाथा सिनेमातून दाखवण्यात येणार आहे. प्राजक्ता या सिनेमात नेमकी कोणती भुमिका साकारणार आहे हे अद्याप स्पष्ट झालेलं नाही.
advertisement
हेही वाचा - 'माझ्या गळ्यात हार अन् फेटा घालून ते निघून गेले', प्रसाद ओकबरोबर नेमकं काय घडलं?
प्राजक्तानं शेअर केलेल्या वीर मुरारबाजी या सिनेमाच्या पोस्टरमध्ये ती नऊवारी साडीत दिसतेय. डोक्यावर पदर, नाकात नथ, हातात लाला बांगड्या, कपाळी चंद्रकोर असा तिचा अस्सल मराठमोळा पेहराव दिसत आहे. तिच्या हातात विठ्ठल-रखुमाईची मूर्ती असून ती त्या मूर्तीकडे पाहताना दिसत आहे. "आज वाढदिवसाच्या निमित्ताने खास प्रेक्षकांसाठी पोस्टर प्रदर्शित", म्हणत प्राजक्तानं चाहत्यांना सरप्राइज दिलं आहे. प्राजक्ताच्या या नव्या सिनेमासाठी तिच्या चाहत्यांनी उत्सुकता दाखवली आहे.
प्राजक्ताच्या वर्कफ्रंट विषयी सांगायचं झालं तर, 'नांदा सौख्यभरे' ही प्राजक्ताची पहिली मालिका. यात तिनं सहअभिनेत्रीची भुमिका साकारली होती. त्यानंतर 'स्वराज्यरक्षक संभाजी' मालिकेतून तिला मोठा ब्रेक मिळाला. संभाजी मालिकेनंतर प्राजक्ता 'आई माझी काळूबाई' या मालिकेत दिसली. पण तिनं ती मालिका अर्ध्यातच सोडली. प्राजक्ताचे काही आगामी प्रोजेक्ट प्रदर्शनाच्या वाटेवर आहेत.