बॉबी देओलने या चित्रपटात त्याच्या आणि रणबीर कपूरमध्ये जबरदस्त किसिंग सीन होता असा खुलासा केला आहे. पण शेवटच्या क्षणी निर्मात्यांनी हा सीन काढून टाकला. चित्रपटाच्या या दृश्याविषयी बोलताना बॉबी देओल म्हणाला की, चित्रपटाची लांबी हे यामागचे मुख्य कारण आहे. अभिनेत्याने सांगितले की हा चित्रपट सुरुवातीला 3 तास 51 मिनिटांचा ठेवण्यात आला होता. पण नंतर हा चित्रपट खूप मोठा होत असल्याकारणामुळे दिग्दर्शक संदीप रेड्डी वंगा यांनी ते 30 मिनिटे कमी केले. त्यानंतर चित्रपटाची लांबी 3 तास 21 मिनिटे ठेवण्यात आली.
advertisement
पण आता चित्रपटाच्या OTT व्हर्जनबद्दल सगळ्यांना उत्सुकता आहे. या चित्रपटात जे सीन थिएटर रिलीजच्या वेळी कापले गेले होते, ते ओटीटीवर पाहता येतील असं चाहत्यांना वाटत होतं. त्याचमुळं रणबीर आणि बॉबीचा किसिंग सीनही पाहायला मिळेल असं चाहत्यांना वाटत होतं. पण आता चाहत्यांसाठी एक वाईट बातमी आहे. कारण ओटीटीवर जेवढा चित्रपट थिएटरमध्ये रिलीज केला गेला तेवढाच OTT वरही दाखवण्यात येणार आहे.
'Animal' हा चित्रपट नेटफ्लिक्सवर रिलीज होणार आहे. सेन्सॉर बोर्डानं पास केलेलं व्हर्जनच आता OTT वरही रिलीज केलं जाणार असल्याचं नेटफ्लिक्सने सांगितलं आहे. नेटफ्लिक्सने भारतीय चित्रपट अनकट आणि अनसेन्सॉर रिलीज करणार नसल्याचा निर्णय घेतला आहे. त्यामुळेच आता रणबीर आणि बॉबीचा किसिंग सीन OTT वर पाहायला मिळणार का याची चाहत्यांना उत्सुकता आहे.
'Animal' नेटफ्लिक्सवर या OTT प्लॅटफॉर्मवर कधी रिलीज होईल याची तारीख अद्याप जाहीर केलेली नाही. सध्या तो बॉक्स ऑफिसवर प्रचंड कमाई करत आहे. त्याचे जगभरातील कलेक्शन 750 कोटींहून अधिक आहे.