Mardaani 3 Collection: 12 वर्षांनतरही राणी मुखर्जीच्या 'मर्दानी'चा जलवा, 3 दिवसांत बॉक्स ऑफिसवर केली अफलातून कमाई; बजेटची अर्धी रक्कम वसूल

यश राज फिल्म्सची हिट फ्रँचायझी असलेल्या 'मर्दानी'चा तिसरा भाग प्रेक्षकांच्या पसंतीस उतरला आहे. ही बॉलिवूडची आतापर्यंतची एकमेव पोलिस चित्रपट सीरीज आहे. ती 2014 मध्ये प्रदर्शित झाली होती. आता, या फिल्म सीरीजचा तिसरा भाग आला आहे आणि तो बॉक्स ऑफिसवर दमदार कामगिरी करत असल्याचे दिसून येत आहे. राणी मुखर्जीचा 'मर्दानी 3' चित्रपट अशावेळी रिलीज झाला, जेव्हा थिएटरमध्ये सनी देओलचा 'बॉर्डर 2' चित्रपट रिलीज झाला आहे आणि तो बॉक्स ऑफिसवर जोरदार कलेक्शन करत आहे. दरम्यान, चिरंजीवीचा टॉलिवूड चित्रपट 'मान शंकर वरप्रसाद गरू' हा चित्रपट सुद्धा जानेवारी महिन्यातच रिलीज झाला होता. त्याला देखील प्रेक्षकांकडून दमदार प्रतिसाद दिला जात आहे.

advertisement

या दोन चित्रपटांमध्ये आलेला राणी मुखर्जीचा 'मर्दानी 3' हा चित्रपट आता थिएटरमध्ये चांगलाच धुमाकूळ घालत आहे. पहिल्या विकेंडच्या वेळी चित्रपटाने 17.50 कोटींची कमाई केलेली आहे, तर जगभरात 26.70 कोटींची कमाई केलेली आहे. 'मर्दानी 3' चित्रपटाने रिलीजच्या दिवशी 4 कोटी, दुसऱ्या दिवशी 6.25 कोटी, तिसऱ्या दिवशी 7.25 कोटींची कमाई केली आहे. अशापद्धतीने एकूण 17.50 कोटींची कमाई केलेली आहे. या चित्रपटाची तीन दिवसांत जेमतेम एकूण कलेक्शन 20.70 कोटी रुपयांची कमाई केली. परदेशात, चित्रपटाने रिलीजच्या पहिल्या तीन दिवसांत परदेशातून 6 कोटी रुपये कमावले. परिणामी, चित्रपटाने पहिल्या विकेंडला जगभरात एकूण 26.70 कोटी रुपये कमावले आहेत.

मिडिया रिपोर्ट्सनुसार, 'मर्दानी 3' चे बजेट सुमारे 60 कोटी रुपये इतके आहे आणि त्या तुलनेत, चित्रपटाच्या बजेटच्या तुलनेत निम्मी कमाई केली आहे. तथापि, चित्रपटाला अजूनही आव्हानांचा सामना करावा लागत आहे. जर चित्रपटाने आठवड्याच्या शेवटी चांगली कामगिरी केली तर तो लवकरच त्याच्या बजेटपर्यंतचा कमाईचा आकडा गाठेल. दुसऱ्या आठवड्याच्या अखेरीस बजेटचा आकडा गाठण्याची शक्यता आहे. सध्या, या चित्रपटाची सनी देओलच्या 'बॉर्डर 2' सोबत स्पर्धा सुरू आहे.