सिद्धार्थ चांदेकरला आला फ्रॉड कॉल, घेतली स्कॅमरची फिरकी; म्हणायला लावलं मराठी गाणं, VIDEO

"Mahanagar Gas Fraud Call. It was fun! सोनुरी काठे. झालाला. कुठलीही सरकारी संस्था तुम्हाला whatsapp वर चॅट करायला सांगत नाही. खूप लोक ह्याला बळी पडत आहेत. सर्वांनी काळजी घ्या. आणि त्यांची मजा घ्या" असं म्हणत सिद्धार्थने व्हिडीओ शेअर केला आहे.

( Bigg Boss नंतर पिक्चरचा हिरो झाला छोटा पुढारी! थिएटरमध्ये करणार राडा, फर्स्ट लुक आऊट )

advertisement

व्हिडीओमध्ये सिद्धार्थ म्हणतोय, "महानगर गॅस जो महाराष्ट्र का गॅस हैं वहा मराठी अलाऊ नही है. आप मेरे लिये एक मराठी वर्ड बोल दो. में तुरंत आपको मेसेज करूंगा. में आपको बताता हूं." सिद्धार्थने फ्रॉड कॉल करणाऱ्याला क्रांतिज्योती विद्यालय मराठी माध्यम सिनेमातील स्वर्गात आकाश गंगा हे गाणं म्हणायला लावलं. गाणं म्हणायला लावताच समोरच्याची बोबडी वळली.

महानगर गॅसच्या नावाखाली फ्रॉड कॉल करून व्हॉट्स अॅप पाठवलेली APK फाइन ओपन करायला सांगितली जाते. ती फाइल ओपन केल्यानंतर तुमच्या खात्यातील पैसे रिकामी होऊ शकतात. अभिनेता चिन्मय मांडलेकर आणि ऐश्वर्या नारकर यांच्याबरोबर देखील असाच प्रकार घडला. पण वेळीच सावध होऊन त्यांनी फ्रॉड कॉल करणाऱ्या स्कॅमर्सना धडा शिकवला.

अभिनेता सिद्धार्थ चांदेकरच्या वर्कफ्रंटबद्दल सांगायचं झाल्यास, त्याचा क्रांतिज्योती विद्यालय हा सिनेमा जानेवारी महिन्यात रिलीज झाला होता. या सिनेमाला प्रेक्षकांचा खूप चांगला प्रतिसाद मिळाला. त्याचबरोबर सिद्धार्थ चांदेकर मिसेस देशपांडे या वेब सीरिजमध्येही दिसला. अभिनेत्री माधुरी दीक्षितबरोबर त्याने स्क्रिन शेअर केली.