लुसिया एंटरटेनमेंट प्रॅाडक्शन निर्मित, सिनेपोलिस आणि दीपा नायक प्रस्तुत ‘डिलिव्हरी बॉय’ हा चित्रपट नुकताच प्रदर्शित झाला आहे. चित्रपटाला प्रेक्षकांचा भरभरून प्रतिसाद मिळत असून विकेण्डला अनेक ठिकाणी ‘हाऊसफुल्ल’चा बोर्ड झळकला आहे. प्रेक्षकांच्या प्रतिक्रिया जाणून घेण्यासाठी चित्रपटाची टीम चित्रपटगृहांना सध्या भेटही देत आहे. यादरम्यानच घडलेल्या एका घटनेची सध्या चर्चा होत आहे. तसंच त्याचा व्हिडीओ देखील समोर आला आहे.
advertisement
प्रसिद्ध अभिनेत्रीनं गुपचूप बांधली लग्नगाठ? लेकीला नवरीच्या रूपात पाहून आईला अश्रू अनावर
नुकतच 'डिलिव्हरी बॉय' चित्रपटात प्रथमेश आणि पृथ्वीक सोबत मुख्य भूमिकेत दिसलेली अभिनेत्री अंकिता लांडे पाटील हिने चित्रपटगृहाला भेट देत प्रेक्षकांच्या प्रतिक्रिया जाणून घेतल्या, त्यांच्याशी संवाद साधला. यावेळी अनेकांनी चित्रपटाची कथा त्यांना खूपच भावली असल्याच्या भावना व्यक्त केल्या आहेत. पण काही महिला चित्रपट पाहून खूपच भावुक झालेल्या पाहायला मिळाल्या. महिलांना चित्रपट पाहून अक्षरशः अश्रू अनावर झाले. अनेक महिलांनी यावेळी आपले अनुभव शेअर केले. हे अनुभव शेअर करताना अनेकींच्या डोळ्यात पाणी तरळलं होतं.
याचा एक व्हिडीओ नुकताच समोर आला आहे. व्हिडिओत महिला 'डिलिव्हरी बॉय' हा चित्रपट पाहताना भावुक झालेली पाहायला मिळाला. यावेळी अभिनेत्री अंकिता लांडे पाटील हिने पुढे जात त्या महिलेला सावरलं आणि तिचा अनुभव जाणून घेतला.
हसता हसता पटकन डोळ्यांत पाणी आणणारा हा चित्रपट प्रेक्षकांना आवडतोय. सरोगसीवर भाष्य करणाऱ्या या कथेचे लेखन राम खाटमोडे आणि विनोद वणवे यांनी केले असून दिग्दर्शक मोहसीन खान यांनी केले आहे. प्रथमेश परब, पृथ्वीक प्रताप आणि अंकिता लांडे पाटील यांनी उत्तम अभिनय केला असून 'डिलिव्हरी बॉय' प्रेक्षकांच्या पसंतीस उतरतोय. आता चित्रपट बॉक्स ऑफिसवर किती कमाई करतोय ते पाहणं महत्वाचं ठरणार आहे.