अशा परिस्थितीत, हे दावे खरे आहेत की खोटे हे तुम्ही ठरवा.अल जझीरा, ब्राऊन हिस्ट्री आणि कर्ली टेल्स यांच्या अहवालानुसार, लडाखची राजधानी लेहपासून (Ladakh Pregnancy Tourism) सुमारे 160 किमी अंतरावर बियामा, दह, हानु, गरकोन आणि दारचिक अशी काही गावे आहेत. जिथे सुमारे 5000 लोक राहतात. लडाखच्या या भागांमध्ये राहणारा हा एक विशेष समुदाय आहे. त्यांचे नाव ब्रोकपा समुदाय आहे.
advertisement
ब्रोकपा समुदाय शुद्ध आर्यन असल्याचा दावा
ब्रोकपा लोक स्वतःला जगातील शेवटचे शिल्लक असलेले शुद्ध आर्यन असल्याचे सांगतात. म्हणजेच, त्यांच्यात आर्यन रक्त आहे. पूर्वी इंडो-इराणी वंशाच्या लोकांना आर्यन म्हटले जात असे, परंतु नंतर इंडो-युरोपियन वंशाच्या लोकांना आर्यन म्हटले जाऊ लागले. असे मानले जाते की, हे लोक अलेक्झांडर द ग्रेटच्या सैन्यात सैनिक होते. जेव्हा अलेक्झांडर भारतात आला, तेव्हा त्याचे काही सैनिक सिंधू खोऱ्यात थांबले.
त्यांना मास्टर रेस म्हणूनही ओळखले जाते. त्यांचे स्वरूप लडाखमधील इतर लोकांपेक्षा खूप वेगळे आहे. ते मंगोल आणि तिबेटी लोकांसारखे दिसत नाहीत. ते उंच आहेत, गोरा रंग, लांब केस, उंच जबडा आणि हलक्या रंगाचे डोळे आहेत. यामुळे हे लोक सुंदर दिसतात. ते जिथे राहतात ते ठिकाणही खूप सुंदर आहे.
इथे या लोकांकडून प्रग्नेंट होण्यासाठी येतात परदेशी महिला
आश्चर्याची बाब म्हणजे, या समाजाचे लोक शुद्ध आर्यन आहेत हे सिद्ध करणारे कोणतेही संशोधन आजपर्यंत झालेले नाही; त्यांची कोणत्याही प्रकारे डीएनए चाचणी झालेली नाही किंवा कोणतीही वैज्ञानिक तपासणी झालेली नाही. तरीही, जर्मनी आणि इतर युरोपीय देशांतील महिला येथे येत आहेत. त्या येथे या कारणास्तव येतात: जेणेकरून त्यांना शुद्ध आर्यन बीज मिळू शकेल, ज्यामुळे त्यांची भावी मुले त्यांच्या स्वतःच्या लोकांसारखी दिसतील.
याच कारणामुळे याला प्रेग्नन्सी टूरिझम असे नाव देण्यात आले. 2007 मध्ये, चित्रपट निर्माता संजीव सिवन यांनी बनवलेला "एक्टंग बेबी: इन सर्च ऑफ प्युरिटी" नावाचा एक माहितीपट प्रदर्शित झाला होता. त्या माहितीपटात एक जर्मन महिला कबूल करते की, ती 'शुद्ध आर्यन बीजा'च्या शोधात लडाखला आली होती.अनेक अहवालांमध्ये प्रेग्नन्सी टूरिझमबद्दल दावे करण्यात आले आहेत; तथापि, अनेक लोक म्हणतात की ही केवळ त्या समाजातील लोकांचे नाव खराब करण्याचे एक षड्यंत्र आहे.
हे ही वाचा : विमानात लपलेला असतो 'हा' उंदीर; बिघाड होताच येतो बाहेर अन् वाचवतो प्रवाशांचे प्राण!
हे ही वाचा : मेलेली महिला जिवंत कशी झाली? कुटुंब आणि गावकऱ्यांची उडाली झोप; जो-तो 'या' विचित्र घटनेवर करतोय चर्चा!