व्यवसायाची मोठी उलाढाल
विरजी वोरा यांचा व्यापारी विस्तार खूप मोठा होता. मसाले, मिरी, सोनं, वेलदोडा यांसारख्या बहुमूल्य वस्तूंच्या व्यापारात त्यांचा मोठा सहभाग होता. खास करून, त्यांची व्यवसाय पद्धती म्हणजे ते संपूर्ण माल खरेदी करत आणि नंतर तो अधिक महाग विकत. या व्यावसायिक युक्तीमुळे त्यांनी लवकरच मोठं नाव कमावलं. विशेष म्हणजे, त्या काळात विरजी वोरा हे संपूर्ण जगातील सर्वांत श्रीमंत व्यापारी होते.
advertisement
विरजी वोरा यांची संपत्ती किती होती?
ईस्ट इंडिया कंपनीच्या नोंदींनुसार, विरजी वोरा हे त्या काळातील सर्वांत मोठे व्यापारी होते. त्यांना ‘व्यापारी राजपुत्र’ असंही म्हटलं जात असे. त्यांच्या संपत्तीचा अंदाज तब्बल 80 लाख रुपये होता. त्या काळात ही रक्कम खूपच प्रचंड मानली जात होती. वीरजी वोरा यांच्या कुटुंबाविषयी फारशी माहिती नाही. मात्र, इतिहासकारांच्या मते ते श्रिमाली ओसवाल पोरवाल समाजाचे होते. धार्मिक कार्यात त्यांचा मोठा सहभाग असल्याने त्यांना ‘समाजपती’ किंवा ‘संघवी’ ही पदवी देण्यात आली होती. ही पदवी मंदिर बांधणी किंवा मोठ्या यात्रा आयोजित करणाऱ्या प्रतिष्ठित व्यक्तींना दिली जात असे.
शहाजहानलाही दिली होती भेट!
इतिहासात नोंद आहे की, विरजी वोरा यांनी मुघल बादशाह शहाजहान यांना चार अरबियाई घोड्यांची भेट दिली होती. तसेच, डच आणि ब्रिटिश ईस्ट इंडिया कंपनींसाठी ते केवळ मोठे सावकारच नव्हे, तर मोठे ग्राहकही होते. वीरजी वोरा यांचा व्यापार आणि संपत्तीची कथा आजही व्यापाराच्या इतिहासात प्रेरणादायी मानली जाते!
हे ही वाचा : General Knowledge : असा कोणता दगड आहे जो पाण्यात बुडत नाही? 99 टक्के लोक उत्तर देऊच शकणार नाही
हे ही वाचा : General Knowledge : ही गोष्ट आयुष्यात फक्त 2 वेळाच मिळते Free, पण तिसऱ्यांदा मोजावे लागतात भरपूर पैसे, सांगा कोणती?