TRENDING:
काही सेकंदांतच घडला हृदय पिळवटून टाकणारा प्रसंग
मिळालेल्या माहितीनुसार,अग्रवाल हॉल परिसरात पोहोचल्यावर अचानक एका प्रवासी वाहतूक करणाऱ्या ट्रॅव्हल्स कंपनीच्या वाहनाने त्यांना पाठीमागून जोरदार धडक दिली. धडकेचा जोर इतका होता की सूर्यवंशी रस्त्यावर कोसळले आणि त्यांच्या कमरेला गंभीर दुखापत झाली. तसेच पाठ, उजव्या पायाच्या गुडघ्याला किरकोळ जखमा झाल्या. तात्काळ परिसरातील नागरिकांनी त्यांना उचलून उपचारासाठी जवळच्या रुग्णालयात दाखल केले. डॉक्टरांनी प्राथमिक तपासणीत कंबर दुखापत गंभीर असल्याचे निदर्शनास आणले असून पुढील उपचारांसाठी त्यांना निरीक्षणाखाली ठेवण्यात आले आहे.
advertisement
अपघातानंतर वाहनचालकाने घटनास्थळावरुन पळ काढण्याचा प्रयत्न केल्याची माहिती स्थानिक नागरिकांनी दिली. मात्र, काहींनी वाहनाचा क्रमांक लिहून ठेवला होता, यानंतर हरिश्चंद्र सूर्यवंशी यांनी टिळकनगर पोलिस ठाण्यात तक्रार नोंदवली. तक्रारीच्या आधारे पोलिसांनी संबंधित वाहनचालक उमेश यादव याच्याविरोधात गुन्हा दाखल केला आहे.
पोलिसांनी अपघातातील वाहन जप्त करून पुढील तपास सुरू केला आहे. परिसरातील सीसीटीव्ही फुटेजची तपासणी करून घटनेचा अचूक क्रम समजून घेण्याचे प्रयत्न सुरु आहेत.