KDMC : कल्याण-डोंबिवलीत मनसेचं इंजिन सुस्साट, भाजपचं अख्ख घराणं फोडलं, नवरा-बायको-पोरीलाही उमेदवारी!

भाजपच्या पती-पत्नी-मुलीला मनसेची उमेदवारी

मनसेने शेवटच्या क्षणी उमेदवारांची यादी जाहीर केली, या यादीमध्ये भाजप-शिवसेनेच्या माजी नगरसेवक, पदाधिकारी आणि इच्छुकांना एबी फॉर्म दिले. या यादीमधील सगळ्यात महत्त्वाचे नाव म्हणजे भाजपचे माजी दिग्गज नगरसेवक शैलेश धात्रक आणि दिग्गज माजी नगरसेविका मनिषा धात्रक. भाजपकडून तिकीट न मिळाल्याने धात्रक दाम्पत्याने मनसेच्या तिकीटावर निवडणूक लढवण्याचा निर्णय घेतला आहे. एवढच नाही तर मनसेने धात्रक दाम्पत्याची मुलगी पूजा धात्रक यांनाही उमेदवारी दिली आहे. धात्रक दाम्पत्य हे दोन टर्म भाजपचे नगरसेवक राहिले आहेत.

advertisement

मनसेची 49 उमेदवारांची यादी

कोण किती जागांवर लढणार?

कल्याण-डोंबिवली महानगरपालिकेमध्ये एकूण 122 जागा आहेत, यात मनसे 49 आणि उद्धव ठाकरेंची शिवसेना 73 जागांवर लढणार आहे. महायुतीमध्ये मात्र शिवसेना-भाजप किती जागांवर लढणार? याची अंतिम अधिकृत आकडेवारी अजून समोर आलेली नाही. नाराजांची बंडखोरी टाळण्यासाठी भाजप आणि शिवसेनेने उमेदवारांची यादी जाहीर न करताच थेट एबी फॉर्म दिल्याची चर्चा रंगली आहे.