सण साजरा करायला जाताय? आधी रेल्वेचे वेळापत्रक तपासा; गुढीपाडव्यादिवशी मध्य रेल्वेवर विशेष ब्लॉक

टिटवाळा-आसनगाव दरम्यान मध्यरात्री खोळंबा

मध्य रेल्वेवरील टिटवाळा आणि आसनगावदरम्यान आज अर्थात बुधवारी मध्यरात्री विशेष वाहतूक आणि पॉवर ब्लॉक घेण्यात येणार आहे. या सर्वांमुळे लांब पल्ल्याच्या रेल्वेगाड्या विस्कळीत होण्याची शक्यता आहे.

कसं असेल रेल्वेचं वेळापत्रक?

मध्य रेल्वेने दिलेल्या माहितीनुसार, बुधवार मध्यरात्रीच्या 2 वाजून 10 मिनिटांनी ते 2 वाजून 50 मिनिटांपर्यंत हा ब्लॉक घेण्यात येणार आहे. त्यामुळे अयोध्या- लोकमान्य टिळक टर्मिनस एक्स्प्रेसला वाशिंद येथए 2 वाजून 27 मिनिटांपासून रात्री 2 वाजून 50 पर्यंत थांबवण्यात येणार आहे.

advertisement

तसेच शालिमार-लोकलमान्य टिळक टर्मिनस एक्स्प्रेसला आसनगाव येथे रात्री 2 वाजून 37 पासून ते रात्री 2 वाजून 50 मिनिटांपर्यंत तर हावडा-छत्रपती शिवाजी महाराज टर्मिनस एक्स्प्रेसला आटगाव येथे रात्री 2 वाजून 38 मिनिटांपासून रात्री 2 वाजून 50 मिनिटांपर्यंत थांबण्यात येणार आहे. त्यामुळे या गाड्यांना साधारण 20 ते 25 मिनिटांचा विलंब होणार आहे.