TRENDING:

Crime News : धारदार शस्त्राने सपासप वार, शिवसेना शिंदे गटाच्या नेत्याला जागेवरच संपवलं, महाराष्ट्रातल्या या शहरात काय घडलं?

Last Updated:

Kalyan Crime: कल्याण शहरात शिवसेना नेत्याची हत्या करण्यात आलेली आहे. ज्यात टोळक्याकडून धारदार शस्त्राने वार करण्यात आले. या हल्ल्यात शिवसेना नेत्याचा जागीच मृत्यू झालेला आहे.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
कल्याण : कल्याण-मुरबाड महामार्गावरील मामणोली गावाजवळ शुक्रवारी संध्याकाळी एक धक्कादायक घटना घडली. सुमारे सात वाजेच्या सुमारास झालेल्या या हत्येमुळे परिसरात खळबळ उडाली असून नागरिकांमध्ये भीतीचे वातावरण आहे. गोवेली गावचे रहिवासी आणि शिवसेना शिंदे गटाचे पदाधिकारी असलेल्या किरण घोरड यांची निर्घृण हत्या करण्यात आली.
News18
News18
advertisement

शिवसेना शिंदे गट नेत्याची दिवसाढवळ्या हत्या

किरण घोरड हे मामणोली गावात काही कामासाठी आले होते. काम आटोपून ते एका धाब्यावर त्यांच्या सहकाऱ्यांसोबत बसले होते. त्याच वेळी तिथे आणखी एक व्यक्तींचा गट तिथं होता. या गटातील काही व्यक्तींशी किरण यांचे पूर्वीपासून वाद होते. त्यामुळे दोन्ही बाजूंमध्ये वाद पुन्हा सुरू झाला. बोलण वाढत जाऊन परिस्थिती बिघडली आणि सुरु झालेला वाद अचानक मारहाणीपर्यंत पोहोचला. यामध्ये काही व्यक्तींनी किरण यांच्यावर थेट चाकूने हल्ला केला.

advertisement

हा हल्ला अतिशय गंभीर असल्याचे पोलिसांनी सांगितले आहे. हल्लेखोरांनी किरण यांच्या पोटावर, पाठीवर आणि डोक्यावर धारदार हत्याराने वार केले. जखमा गंभीर असल्यामुळे घटनास्थळीच त्यांची प्रकृती बिघडली. धक्कादायक म्हणजे ज्यांनी हा हल्ला केला ते सर्वजण किरण यांचेच ओळखीचे आणि पूर्वीचे मित्र असल्याची माहिती समोर आली आहे.

हत्येमागील कारणांचा पोलिसांकडून शोध!

हत्येची बातमी समजताच गोवेली आणि मामणोली परिसरात तणाव निर्माण झाला. कोणतीही अनपेक्षित घटना घडू नये म्हणून पोलिसांनी रात्रीच अतिरिक्त बंदोबस्त तैनात केला. नागरिकांमध्ये असंतोष वाढला असून लोकांनी तातडीने आरोपींना अटक करण्याची मागणी केली आहे. काही सामाजिक कार्यकर्त्यांनीही पोलीस ठाण्यात भेट देऊन याबाबत कारवाईची मागणी केली.

advertisement

या प्रकरणातील तपास जलद गतीने सुरू करण्यात आला आहे. पोलीस अधिकारी घटनास्थळी पोहोचले असून आसपासच्या सीसीटीव्ही कॅमेऱ्यांचे फुटेज तपासले जात आहे. त्याशिवाय किरण यांचे अलीकडे कोणकोणाशी संपर्क होता, त्यांच्या मोबाईलचा डेटा, आर्थिक व्यवहार, आणि ज्या व्यक्तींशी त्यांचे तणावाचे संबंध होते अशा सर्व गोष्टींची चौकशी केली जात आहे.

टॉप व्हिडीओज

सर्व पहा
चिमुकल्याची कमाल! 2 मिनिटांत ओळखले 45 कार ब्रँड्स, बुक ऑफ रेकॉर्ड्समध्ये नोंद
सर्व पहा

या हत्या प्रकरणामुळे गावकऱ्यांमध्ये संताप असून पोलिसांवर तपासाचा मोठा ताण आला आहे. हत्येमागील नेमके कारण काय, कोणत्या वादातून हा खून झाला आणि हल्ला कोणी व कशासाठी केला, याचा तपास सुरू आहे. पोलिसांच्या अनेक पथकांनी छापेमारी सुरू केली असून पुढील काही तासांत तपासाला अधिक वेग मिळण्याची शक्यता व्यक्त केली जात आहे. आता या प्रकरणाचा उलगडा करण्याचे मोठे आव्हान पोलिसांसमोर आहे

advertisement

मराठी बातम्या/Kalyan Dombivli/
Crime News : धारदार शस्त्राने सपासप वार, शिवसेना शिंदे गटाच्या नेत्याला जागेवरच संपवलं, महाराष्ट्रातल्या या शहरात काय घडलं?
बातम्या
फोटो
व्हिडिओ
लोकल