TRENDING:
लहान मुलं म्हटली की खेळता खेळता काहीही तोंडात घालणं, अशी कितीतरी प्रकरणं आहेत. छत्रपती संभाजीनगरमधील प्रकरणात तर एक वर्षाच्या मुलाने बदामाचा तुकडा गिळला होता आणि त्याच्या पालकांना माहिती नव्हती. त्याला खोकला, ताप येत होता, त्याचा श्वास गुदमरू लागाल. तब्बल सात दिवसांपासून त्याची प्रकृती खालावली. त्यानंतर त्याला रुग्णालयात नेलं. तिथं तपासणीत त्याच्या डाव्या फुफ्फुसात बदामाचा तुकडा अडकल्याचं समजलं.
advertisement
Shocking! वयाच्या 24 व्या वर्षी आली दाढी आणि तरुणाचा झाला मृत्यू, नेमकं घडलं काय?
या मुलावर तातडीने शस्त्रक्रिया करण्यात आली. दुर्बिणीद्वारे (ब्रोन्कोस्कोपी) विशेष चिमट्याच्या सहाय्याने फुफ्फुसात अडकलेला बदामाचा तुकडा यशस्वीरित्या बाहेर काढण्यात आला. वेळेवर उपचार मिळाल्यामुळे बालकाचा जीव वाचला.
मुलांच्या घशात काही अडकलं की पालकांनी काय करायचं?
पण तुमच्या मुलासोबत असा प्रकार घडला तर काय करायला हवं ते डॉक्टरांनी व्हिडीओतून सांगितलं आहे. सोशल मीडियावर हा व्हिडीओ पोस्ट करण्यात आला आहे. ज्यात डॉक्टरांनी प्रात्यक्षिक करून दाखवलं आहे.
डॉक्टरांनी सांगितल्यानुसार मुलाच्या हनुवटीला सपोर्ट द्या आणि त्याच्या पाठीवर हाताने पाच वेळा मारा. यानंतर मूल रडायला लागलं किंवा त्याच्या तोंडातून काही बाहेर येत असेल तर काही करायची गरज नाही. पण तरी मुलाने जे काही गिळलं आहे ते बाहेर आलं नाही तर हीच पद्धत 3 वेळा रिपीट करू शकता.
Tomato : टोमॅटोचा हलवा, विचित्र वाटेल पण अनेकांनी ट्राय केलाय, हा घ्या Recipe Video
या पद्धतीने जर मुलाने गिळलेलं बाहेर आलं नाही तर त्याला पाठीला सपोर्ट द्या आणि छातीच्या मधोमध 4 बोटांनी 3 वेळा दाब द्या. याचाही काही परिणाम झाला नाही तर मात्र तुम्ही डॉक्टरांकडे जा, असा सल्ला त्यांनी दिला आहे.
बालरोगतज्ज्ञ डॉ.मयुर कलसरिया यांनी त्यांच्या @pediatrics_decoded या युट्युब चॅनेलवर ही माहिती दिली आहे.