भारतीय पाककृतींमध्ये अनेक प्रकारचे मसाले वापरले जातात. या मसाल्यांपैकी एक म्हणजे हिंग, जो बऱ्याचदा अनेक पदार्थांमध्ये वापरला जातो. हा एक अद्भुत मसाला आहे, जो केवळ पदार्थांची चव वाढवत नाही तर अनेक आरोग्य फायदे देखील देतो. हिंगाचं पाणी जे हृदयासाठीही फायदेशीर आहे. आता ते कसं हे डॉक्टरांनी सांगितलं आहे.
Heart Attack : काय सांगता! हनुमान चालिसाचे पठण केल्याने हार्ट अटॅक येत नाही
advertisement
यूपीतल्या नरिंदर मोहन हॉस्पिटल अँड हार्ट सेंटरमधील आहारतज्ज्ञ स्वाती बिश्नोई यांनी सांगितलं की, हिंग एलडीएल कोलेस्ट्रॉल म्हणजेच वाईट कोलेस्ट्रॉलची पातळी कमी करू शकतं. एलडीएल कोलेस्ट्रॉलचे उच्च प्रमाण हृदयरोग आणि स्ट्रोकसारख्या गंभीर परिस्थितींना कारणीभूत ठरू शकतं. अशा परिस्थितीत रिकाम्या पोटी नियमितपणे हिंगाचे पाणी सेवन केल्याने एलडीएल कोलेस्ट्रॉलची पातळी कमी होते. ते एचडीएल कोलेस्ट्रॉल म्हणजेच 'चांगले कोलेस्ट्रॉल' देखील वाढवतं.
वजन कमी करण्यास मदत करेल
कोलेस्टेरॉलची पातळी कमी करण्यासाठी तुमचं वजन नियंत्रित ठेवणंदेखील खूप महत्त्वाचं आहे. अशा परिस्थितीत हिंगाचं पाणी तुमचं वजन कमी करण्यास मदत करू शकतं. ते चयापचय वाढवून आणि चरबी जाळण्यास प्रवृत्त करून वजन कमी करण्यास मदत करतं. याशिवाय ते पोट बराच काळ भरलेलं ठेवतं, ज्यामुळे भूक नियंत्रित होतं.
Heart Attack : काय खाल्ल्याने हार्ट अटॅक येतो? कोणते पदार्थ वाढवतात धोका?
दाहक-विरोधी गुणधर्मांनी समृद्ध
हिंगाचे दाहक-विरोधी गुणधर्म शरीरातील जळजळ कमी करू शकतात. दीर्घकालीन जळजळ बहुतेकदा उच्च कोलेस्ट्रॉलशी संबंधित असते, ज्यामुळे हृदयरोग होण्याची शक्यता असते. अशा परिस्थितीत, हिंगाचं पाणी या जळजळीपासून मुक्त होण्यास मदत करते आणि कोलेस्ट्रॉल नियंत्रित करून हृदयरोगाचा धोका कमी करतं.
अँटीऑक्सिडंट्सने समृद्ध
हिंग अँटीऑक्सिडंट्सने समृद्ध आहे. ते ऑक्सिडेटिव्ह ताण टाळतं, ज्यामुळे पेशींचं नुकसान होऊ शकतं आणि हृदयरोगासह विविध रोग होऊ शकतात. कोलेस्टेरॉलची समस्या असलेले रुग्ण निरोगी जीवनासाठी हिंग पाण्याचे अँटीऑक्सिडंट्स फायदे स्वीकारू शकतात.
हिंग खाल्ल्याने पचन सुधारेल
बहुतेक लोक पचन सुधारण्यासाठी हिंग वापरतात. हिंग पाचक एंजाइमचे उत्पादन वाढवतं, जे निरोगी पचन वाढवते आणि पोटफुगी आणि अपचन यासारख्या समस्या टाळते.