TRENDING:
होस्टेलला सामान कमी असतं आणि वेळही कमी असतो अशावेळी तुम्ही झटपट अंडा तवा फ्राय बनवू शकता. तुम्हला ही खायला आणि बनवायलाही मजा येईल. ही रेसिपी suman_kitchen_marathi या अकाऊंटवर शेअर केली गेली आहे. चला तर मग पाहूया कसं बनवायचं इन्स्टंट आणि हेल्दी अंडा तवा फ्राय.
अंडा तवा फ्राय बनवण्यासाठी लागणारं साहित्य..
advertisement
- अंडी
- कांदे
- टोमॅटो
- आलं लसूण पेस्ट
- जिरे
- कोथिंबीर
- लाल तिखट
- मटण मसाला
- घराचा कोणताही मसाला
- हळद
- मीठ
- तेल
अंडा तवा फ्राय बनवण्याची सोपी पद्धत..
- सर्वात आधी अंडी उकडून घ्या.
- आता एका पॅनमध्ये किंवा तव्यावर तेल टाका.
- तेल गरम झालं की त्यामध्ये आलं लसणाची पेस्ट, जिरे आणि चिरलेला कांदा टाकून परतून घ्या.
- कांदा परतत आला की त्यामध्ये चिरलेला टोमॅटो टाका.
- हे परतलं की त्यामध्ये लाल तिखट, मटण मसाला, हळद आणि घराचा कोणताही मसाला टाकून परतून घ्या.
- मसाले परतल्यानंतर त्यामध्ये थोडं पाणी घाला आणि चवीनुसार मीठ टाका.
- हे व्यवस्थित शिजून गाळ झालं की त्यामध्ये कोथिंबीर टाका.
- यानंतर उकडलेले अंडे अर्धे करून यामध्ये टाका.
- सर्वकाही छान परतून घ्या.
तर इतक्या सोप्या पद्धतीने हा अंडा तवा मसाला बनून तयार होतो. तुम्ही होस्टेलवर तर हा बनवूच शकता. पण एकदा घरच्यांनाही बनवून खाऊ घाला. सर्वांना आवडेल ही डिश.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.