TRENDING:
या खास डिशची सुरुवात होते ती खुसखुशीत, कुरकुरीत वेफर्सपासून. त्यावर मेयोनीजचा क्रीमी थर, पेरिपेरी सॉसची हलकी तिखट चव, बार्बिक्यू सॉसचा स्मोकी फ्लेवर, मिंट मायोची ताजगी आणि चीज सॉसची रिचनेस असा चवींचा जबरदस्त मेळ घातला जातो. प्रत्येक सॉस वेगवेगळा स्वाद देत असला तरी एकत्र आल्यावर तयार होणारा फ्लेवर विद्यार्थ्यांसाठी परफेक्ट इव्हनिंग स्नॅक ठरतो.
advertisement
महाराष्ट्राच्या खाद्यसंस्कृतीतील खास पदार्थ, पारंपरिक सांज्याची पोळी, रेसिपीचा Video
फक्त सॉसच नव्हे तर या डिशची खरी खासियत म्हणजे त्यावरील ताज्या भाज्यांचे रंगीत टॉपिंग. बारीक चिरलेला कांदा, रसाळ टोमॅटो, कुरकुरीत कोबी, गोडसर स्वीट कॉर्न आणि ढोबळी मिरची यामुळे पदार्थाला चव आणि टेक्स्चर दोन्ही मिळते. त्यामुळे हा पदार्थ केवळ जंक फूड न राहता एक हेल्दी स्ट्रीट फूड पर्याय बनतो.
मेन्यूची सुरुवात 79 रुपयांपासून होत असल्याने विद्यार्थ्यांसाठी तो सहज परवडणारा आहे. ‘ग्रीन मोड’मध्ये भाज्यांचा जास्त वापर करून हलका आणि फ्रेश पर्याय दिला जातो. ‘पॉवर कपल’मध्ये चीज आणि सॉसेसचा डबल डोस असतो, तर ‘प्रोटीन वाइब’मध्ये प्रोटीनयुक्त घटकांचा समावेश करून फिटनेसकडे लक्ष देणाऱ्यांसाठी खास पर्याय तयार करण्यात आला आहे. याशिवाय प्रत्येक प्रकाराखाली अनेक कॉम्बिनेशन्स उपलब्ध आहेत.
चव, कुरकुरीतपणा, रंगतदार सादरीकरण आणि परवडणारी किंमत यामुळे हा वेफर्स-आधारित फ्यूजन पदार्थ माटुंगा परिसरात सध्या ट्रेंडिंग फूड ठरला आहे. संध्याकाळच्या भुकेसाठी हा पर्याय तरुणाईचा फेव्हरेट बनला आहे.