Weird Recipe : गाजर नाही, दुधी नाही तर चक्क कांद्याचा हलवा; बनवतात तरी कसा? Watch Video

कांदा डाळ, आमटी, भाजीत फोडणीसाठी वापरला जातो. याशिवाय वेगवेगळ्या पदार्थांमध्ये, वाटणातही वापरला जातो. कांद्यापासून कांदा भजी बनवतात, सलाडमध्ये कांदा वापरतात, कच्चा कांदाही खाल्ला जातो. पण कांद्याचा हलवा... हा कसा काय बनवतात? आणि खातं तरी कोण? असा प्रश्नही तुम्हाला पडला असेल. आधी कांद्याचा हलवा कसा बनवतात ते पाहुयात.

Aartya Recipe Video : आरत्या... अहो या देवासमोर म्हणायच्या त्या नाहीत तर आहे खायचा पदार्थ, पारंपारिक रेसिपी

advertisement

व्हिडीओत दाखवल्यानुसार कांदा उभा चिरायचा आहे, पातळ स्लाइस करून घ्याचे आहेत. गॅसवर कढई ठेवून त्यात पाणी गरम करायचं आणि त्यात कांदा टाकून उकळून घ्यायचा. आता यात व्हिनेगर टाकायचं. थोड्या वेळाने कांदा कढईतून काढून गाळून घ्या. साध्या पाण्याने धुवा आणि पुन्हा कढईतील गरम पाण्यात टाकून पुन्हा काढून घ्या. थंड झाला की मिक्सरच्या भांड्यात घ्या. यामध्ये काजू आणि भिजवलेला बदाम टाकून पेस्ट करून घ्या.

एका भांड्यात तूप घेऊन ते गरम करा. त्यात कांदा, काजू, बदामाची पेस्ट टाकून 20 मिनिटं परतून घ्या. पुन्हा थोडं तूप आणि दूध टाका. 10 मिनिटं शिजवून घ्या. आता यात साखर आणि वेलची पूड टाकून आणखी 5 मिनिटं परतून घ्या. वरून कापलेले ड्रायफ्रूट्स टाका. कांद्याचा हलवा खाण्यासाठी तयार.

Weird Recipe Video : कांदा-बटाटा नाही तर ओरिओ भजी; आवडीने खातात लोक, मुलांची आहे फेव्हरेट

Poonamrirasoi इन्स्टाग्राम अकाऊंटवर हा कांद्याचा रेसिपी व्हिडीओ पोस्ट करण्यात आला आहे.  व्हिडीओत ही महिला तिच्या नवऱ्याला हलवा खायला देतो आणि खाल्ल्यानंतर त्याची रिअॅक्शन टेस्टी, Wow अशी असते.

पण हा कांद्याचा हलवा अनेकांच्या पचनी पडलेला नाही. तर काही युझर्सनी मात्र या कांद्याच्या हलव्याबाबत माहिती दिली आहे. एकाने ही ट्रेडिशनल रेसिपी असल्याचं म्हटलं आहे. तर एकाने ही मेनस्ट्रीम मिठाई नसली तरी  यूपी, राजस्थान, हैदराबाद आणि पंजाब अशा ठिकाणी घरोघरी बनवली जाणारा हा गोड पदार्थ असल्याची माहिती दिली आहे.

आता खरंच हा कांद्याचा हलवा टेस्टी लागतो की नाही हे आता आपण रेसिपी बनवली तरच समजेल. तर तुम्ही एकदा हा कांद्याचा हलवा ट्राय करून पाहा आणि कसा झाला आम्हाला आमच्या सोशल मीडियाच्या कमेंट बॉक्समध्ये नक्की सांगा.