स्वच्छतेसाठी राज्य सरकारचा नवा उपक्रम
या नव्या उपक्रमामुळे कोणत्या दिवशी कोणते बेडशीट वापरले आहे, हे लगेच ओळखता येणार आहे. रुग्णालयात बेडशीट, उशांचे कव्हर, ब्लँकेट, पडदे, गणवेश आणि टॉवेल यांसह सर्व वस्त्रांची धुलाई आता पूर्णतः यांत्रिक आणि निर्जंतुकीकरण पद्धतीने करण्यात येईल. या यंत्रणेमुळे मानवी हस्तक्षेप टाळला जाईल आणि संसर्गजन्य आजारांचा धोका कमी होईल. नव्या स्वच्छता प्रणालीमुळे हॉस्पिटलमधील स्वच्छता राखली जाईल, तसेच रुग्णांच्या आरोग्य सुरक्षिततेतही लक्षणीय सुधारणा होईल, असा विश्वास व्यक्त केला जात आहे.
advertisement
Bombay Blood: ...अन् रक्त घेऊन विमानाचं उड्डान, जालन्यातून थेट तिरुपतीला पाठवलं बॉम्बे ब्लड!
कुठल्या दिवशी बेडशीटचा कोणता रंग?
हॉस्पिटलमध्ये आता दररोज ठराविक रंगांच्या बेडशीटचा वापर केला जाणार आहे. सोमवार आणि गुरुवारी हिरवा रंग, मंगळवार आणि शुक्रवारी पांढरा रंग, तर बुधवार आणि शनिवारी गुलाबी रंगाच्या बेडशीट्स वापरल्या जातील. रंगानुसार दिवस ठरवला असल्याने कोणती बेडशीट आधी वापरली आहे, हे समजण्यास मदत होणार आहे. या नियमामुळे प्रत्येक वॉर्डमधील बेडशीट रोज बदलली जाणार आहेत.
दरम्यान, बेडशीट बदलण्याचा हा उपक्रम तेलंगणा राज्याने सर्वप्रथम राबवला होता आणि त्याचे चांगले परिणाम दिसून आले. त्यानंतर आता महाराष्ट्रातील शासकीय रुग्णालयांतही हा निर्णय लागू करण्यात आला आहे.