या तेलामुळे केसांची वाढ जलद करण्यास मदत होते. त्यातल्याच काही तेलांची माहिती
भृंगराज तेल
औषधी वनस्पतींचा राजा म्हणून ओळखलं जाणारं भृंगराज तेल टाळूमध्ये रक्ताभिसरण वाढवण्यास मदत करतं. यामुळे केस गळणं, कोंडा होणं आणि कोरडे केस यासारख्या केसांशी संबंधित अनेक समस्या कमी होऊ लागतात, उत्तम परिणामांसाठी भृंगराज तेल तिळाच्या तेलात मिसळून लावावं. दोन्ही तेलांचं मिश्रण करून आणि आठवड्यातून एकदा टाळूचा मसाज केला तर फायदे लवकर दिसून येतील.
advertisement
Treatment for White Hair : पांढऱ्या केसांचं घेऊ नका टेन्शन, आहारात बदल करा, केस राहतील काळे
आवळा तेल
आवळा तेलात व्हिटॅमिन सी आणि अँटीऑक्सिडंटनं असतात, त्यामुळे केसांच्या मुळं मजबूत होतात. यामुळे केस गळण्याची समस्या कमी होते. केस गळणं कमी झाल्यामुळे केस दाट होतात. आवळा तेल नारळ किंवा ऑलिव्ह ऑइलमध्ये मिसळून लावल्यानं उपयोग जास्त होतो.
ब्राह्मी तेल
ब्राह्मी तेल टाळूच्या समस्या दूर करतं आणि टाळू शांत करतं. यामुळे तणाव कमी होतो आणि रक्ताभिसरण सुधारते. या प्रभावामुळे केस तुटण्याची आणि गळण्याची समस्या कमी होते. नारळ आणि ऑलिव्ह ऑईल मंद आचेवर गरम करा. ब्राह्मी तेल अधिक फायदेशीर बनवण्यासाठी भृंगराज पावडर, आवळा पावडर आणि शिकेकाई पावडर एकत्र करून लावा.
मेंदी तेल
केसांसाठी नैसर्गिक रंग म्हणून काम करण्याबरोबरच, मेंदी केसांचं आरोग्य सुधारुन जलद वाढ करण्यास देखील मदत करते. मेंदीचं तेल लावल्यानं टाळूवर नैसर्गिक तेलाचं उत्पादन वाढतं, ज्यामुळे केसांचं आरोग्य सुधारतं.
Tulsi Leaves : बद्धकोष्ठतेवर घरगुती उपाय, तुळशीची पानं खा, पोटाच्या त्रासाला दूर पळवा
मेथी तेल
मेथीचा उपयोग केस जलद वाढवण्यासाठी आणि केस गळती रोखण्यासाठी होतो. मेथीचं तेल लावल्यानं टाळूचं आरोग्य सुधारतं आणि केसांशी संबंधित समस्या कमी होतात.
तिळाचं तेल
तिळाच्या तेलात व्हिटॅमिन ई मुबलक प्रमाणात असतं. यासोबतच तिळात ओमेगा फॅटी ॲसिड असतं. यामुळे टाळूचं पोषण करुन कोरडेपणा दूर करण्यास मदत करते. केसांच्या वाढीचा वेग यामुळे वाढतो.
जास्वंदीचं तेल
जास्वंदीच्या तेलामध्ये अमीनो ॲसिड आणि अनेक प्रकारची जीवनसत्त्वं असतात आणि त्यामुळे केस मजबूत होतात. केस टोकाला तुटण्याची समस्या कमी होते. या तेलामुळे केस कोरडे होण्याचं प्रमाण कमी होतं आणि केसांच्या वाढीचा वेग वाढतो.
तेल लावण्यापूर्वी ते कोमट करून बोटांच्या सहाय्यानं केसांच्या मुळांवर लावावं. हे तेल केसांवर काही वेळ राहू द्यावं आणि नंतर केमिकल फ्री शॅम्पूनं केस स्वच्छ करावेत.