संत्र्याच्या सालींचा स्क्रब बनवण्यासाठी, सर्वप्रथम संत्र्याची साल, तांदूळ आणि हळद मिक्सरमधे बारीक करून घ्या. बारीक पावडर तयार झाल्यावर त्यात गुलाबपाणी किंवा पाणी घाला आणि थोडी कॉफी पावडर घालून पेस्ट तयार करा.
हा स्क्रब हात आणि पायांवर घासल्यानं मृत त्वचेच्या पेशी निघून जातात, त्वचेवर चमक येते आणि त्वचेवरचं टॅनिंग निघून जातं. हे स्क्रब आठवड्यातून एकदा वापरता येतं.
advertisement
Trikonasana : शारीरिक, मानसिक स्वास्थ्यासाठी उपयुक्त त्रिकोणासन, जाणून घ्या त्रिकोणासनाचे फायदे
संत्र्याच्या सालीचे फायदे
संत्र्याच्या सालीत व्हिटॅमिन सी भरपूर प्रमाणात असतं आणि त्यात त्वचा उजळ करण्याचे गुणधर्म असतात.
ही सालं त्वचेला एक्सफोलिएट करतात आणि मृत त्वचेच्या पेशी काढून टाकतात, ज्यामुळे त्वचा मऊ वाटते. संत्र्याच्या सालीतील अँटीमायक्रोबियल आणि अँटीबॅक्टेरियल गुणधर्मांमुळे, मुरुमांची समस्या कमी होते.
Gut Health : चाळिशीनंतर पोटाच्या आरोग्याकडे द्या विशेष लक्ष, पचनसंस्थेची अशी घ्या काळजी
संत्र्याच्या सालीतील अँटी-एजिंग गुणधर्मांमुळे त्वचा तरुण राहते. यातले अँटी-ऑक्सिडंट्स, त्वचेला नुकसान करणाऱ्या घटकांशी लढतात. या सालींचा वापर विशेषतः टॅनिंगपासून मुक्त होण्यासाठी केला जाऊ शकतो. या सालींमुळे सन टॅन कमी होतो आणि त्वचा चमकदार दिसते.
संत्र्याच्या सालीत दही मिसळून फेस पॅक तयार करता येतो. दह्याव्यतिरिक्त, साधं पाणी किंवा कोरफडीनं पेस्ट बनवून देखील वापरू शकता. संत्र्याच्या साली गुलाबपाणी किंवा दह्यात मिसळल्या तर त्या चेहऱ्यावर फेस मास्क म्हणून लावता येतात.