Almond : एका दिवसात किती बदाम खावेत 5 की 10? जाणून घ्या बदाम खाण्याची योग्य पद्धत आणि फायदे

दररोज बदामाचे सेवन करणे हे आरोग्यासाठी चांगले असले तरी दिवसाला किती आणि कसे बदाम खावेत याविषयी जाणून घेणे देखील तितकेच महत्वाचे आहे. आयुर्वेदिक डॉक्टर दीक्षा भावसार सांगतात की जर तुम्ही दररोज बदाम खाण्याची सवय लावत असाल तर सुरुवातीला तुम्ही केवळ 2 बदाम पाण्यात भिजवून आणि त्याची साल काढून खात जा. जेव्हा तुम्हाला 10 दिवस दोन बदाम खाण्यास सोयीस्कर वाटतं असेल आणि पचनास कोणताही त्रास होत नसेल तेव्हाच तुम्ही दिवसाला 5 बदाम खाणे सुरु करू शकता.

advertisement

Chicken : तुम्हाला माहितीये का, चिकनमधील सर्वात पौष्टिक भाग कोणता? एका माणसाने किती खाल्लं पाहिजे?

5 भिजवलेले आणि सोललेले बदाम जर तुम्ही सलग 21 दिवस खात असाल आणि तुम्हाला पोट फुगणे, जुलाब किंवा पचनाशी संबंधित कोणत्याही समस्या जाणवत नसतील तर दररोज बदाम खाण्याची संख्या 10 पर्यंत वाढवू शकता. सलग तीन महिने जर तुम्ही रोज 10 बदाम खात असाल तर यानंतर तुम्ही हे प्रमाण दररोजचे 12, 15, 18 ते 20 बदाम खाण्यापर्यंत वाढवू शकता. ज्या लोकांची पचनशक्ती चांगली आहे, जे रोज व्यायाम करतात अशा व्यक्ती दररोज 20 बदाम खाऊ शकतात. जर तुम्हाला सूज येणे, जुलाब, बद्धकोष्ठता, पचनाशी संबंधित समस्या असतील तर अश्या व्यक्तींनी बदामाचे सेवन करू नये.

बदाम खाण्याचे फायदे :

नियमित बदाम खाल्ल्याने महिलांमधील पिरीएड्स क्रॅम्पची समस्या कमी होते. बदाम खाल्ल्याने पचनशक्ती सुधारते आणि पोट फुगणे कब्ज सारख्या समस्या दूर होतात. बदामातील पोषक तत्त्वांमुळे मेंदूचे आरोग्य सुधारतात आणि स्मरणशक्तीला चालना मिळते.बदामात अँटिऑक्सिडेंट्स आणि जीवनसत्त्वे भरपूर असल्याने ते त्वचा आणि केसांसाठी चांगले ठरतात. नियमित बदामाचे सेवन केल्याने हृदय निरोगी राहते आणि उच्च रक्तदाब तसेच कोलेस्ट्रॉलची समस्या कमी होते.