पाऊस तुमच्या एसी युनिटसाठी हानिकारक नाही, मग तो विंडो एसी असो किंवा स्प्लिट एसी युनिट असो. पावसाळ्यात ह्युमिडिटी खूप वाढते आणि अशा परिस्थितीत एसी वापरणं फायद्याचं ठरतं. एसीची हवा रूमला खूप आरामदायी बनवते, कारण पावसाळी हवेत भरपूर आर्द्रता असते. एसी आर्द्रता कमी करण्याचं काम करतो आणि कोरडी हवा पुरवतो ज्यामुळे हवेतील मॉईश्चर कमी होते.
advertisement
एसीसाठी थोडासा पाऊस अनेक कारणांमुळे चांगला असतो असं म्हणतात. पावसाचा तुमच्या एसी युनिटवर नकारात्मक परिणाम होत नाही. तुमच्या एसीच्या आउटडोअर युनिटमध्ये पडलेला कचरा साफ करण्यासाठी पाऊस मदतीचा ठरू शकतो. पाऊस खूप जास्त असेल आणि युनिटच्या आजूबाजूला पाणी साचत असेल तरच तुम्हाला पावसाळ्यात एसीची काळजी करण्याची गरज असते. तुमच्या आउटडोअर युनिटच्या आसपास पाणी तुंबत असेल तर अशा परिस्थितीत तुम्ही एसी बंद ठेवायला हवा, कारण यातून विजेचा करंट प्रवाहित होण्याचा धोका उद्भवतो.
पावसात एसी झाकून ठेवावा का?
बाहेर खूप पाऊस पडत असेल तर एसी आउटडोअर युनिट झाकून खोलीत एसी सुरू करावा, असं अनेकांना वाटतं, पण हे बरोबर नाही. एसी झाकून तो चालू केल्याने गरम हवा बाहेर पडू शकणार नाही ज्यामुळे एसीवर दबाव येईल आणि त्याचा नकारात्मक परिणाम युनिटवर होईल. त्यामुळे एसी झाकून कधीही एसी चालवू नका. एसी चालू नसताना युनिट झाकून ठेवू शकता.