Glass Skywalk : भारतातील सर्वात लांब स्कायवॉक! इथे अनुभवा रोमांच, सौंदर्य आणि तंत्रज्ञानाचा मिलाफ..

कैलासगिरीवर उभारलेला आहे स्कायवॉक

हा काचेचा स्कायवॉक 55 मीटर लांबीचा असून, जमिनीपासून 862 फूट आणि समुद्रसपाटीपासून 1000 फूट उंचीवर उभारण्यात आला आहे. लोकप्रिय टायटॅनिक व्ह्यूपॉइंटजवळ असलेला हा पूल पर्यटकांना थरार आणि सौंदर्य यांचा एकत्रित अनुभव देतो. 1 डिसेंबर रोजी त्याचे उद्घाटन झाले, त्यानंतर येथे येणाऱ्या पर्यटकांची संख्या झपाट्याने वाढली आहे.

advertisement

जरी चीनमधील Zhangjiajie Glass Bridge इतका लांब नसला, तरी विशाखापट्टणमचा स्कायवॉक आपल्या 262 मीटरच्या प्रचंड उभ्या उतारामुळे अनोखा ठरतो. या पूलात जर्मन तंत्रज्ञानाचा टेम्पर्ड लॅमिनेटेड ग्लास वापरण्यात आला आहे. प्रत्येक काचेची शीट 40 मिमी जाडीची असून, संपूर्ण संरचना 40 टन स्टील वर आधारित आहे. हा स्कायवॉक 250 किमी प्रतितास वेगाच्या वाऱ्यांना तोंड देऊ शकतो आणि 500 किलो प्रति चौ. मी. भार सहन करण्याइतका मजबूत आहे.

शुल्क आणि पर्यटक क्षमता

या स्कायवॉकवर एका वेळेस केवळ 40 पर्यटकांनाच प्रवेश दिला जाणार आहे आणि प्रत्येक गटाला 5 ते 10 मिनिटांचा वेळ दिला जाईल. येथील प्रवेश शुल्क ₹250 ते ₹300 दरम्यान आहे, जे भारतीय तसेच परदेशी पर्यटकांसाठीही परवडणारे आहे.

स्कायवॉकची खास वैशिष्ट्ये

- या स्कायवॉकचे सर्वात मोठे वैशिष्ट्य म्हणजे त्याची प्रचंड उंची. काचेवर चालताना खाली दिसणारी खोल दरी तुम्हाला हवेत असल्यासारखे भासवते. संपूर्ण वॉकवे टेम्पर्ड लॅमिनेटेड ग्लासने बनवलेला असल्याने खालील दृश्य अधिक स्पष्ट आणि रोमांचक दिसतात.

- दिवस असो की संध्याकाळ काचेच्या तळातून दिसणारे दृश्य 3D इफेक्टसारखे भासते. एका बाजूला समुद्र आणि दुसऱ्या बाजूला शहराचे दृश्य. त्याचप्रमाणे सूर्योदय आणि सूर्यास्ताचे दृश्य येथे अतिशय मंत्रमुग्ध करणारे दिसते.

- हा स्कायवॉक टेकडीच्या बाहेर कँटिलिव्हर स्ट्रक्चरमध्ये पुढे निघतो आणि खाली कोणताही सपोर्ट नाही. यामुळे खरोखरच आपण आकाशात उभे आहोत असा अनुभव येतो. यामुळे हा स्कायवॉक देशातील इतर सर्व प्रेक्षणीय स्थळांपेक्षा वेगळा आणि विशेष बनतो.

सोशल मीडियासाठी एक परफेक्ट स्पॉट

हा स्कायवॉक इंस्टाग्राम रील्स, फोटोग्राफी आणि ट्रॅव्हल व्लॉगिंगसाठी अत्यंत लोकप्रिय ठरणार आहे. कारण येथे घेतलेला प्रत्येक फोटो, प्रत्येक व्हिडिओ नैसर्गिक प्रकाशाने आणि उंचीच्या दृश्यांनी अप्रतिम दिसतो.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.