कडीपत्ता आणि तिळाची चटणी बनवण्यासाठी लागणारे साहित्य
1 वाटी तीळ, 1 वाटी कडीपत्ता, हिरवी मिरची, लसूण पाकळी, मीठ, जिरे, हळद आणि तेल हे साहित्य लागेल.
Shev Bhaji Recipe: ढाब्यासारखी झणझणीत शेवभाजी आता घरच्या घरी बनवा, जाणून घ्या सरळ सोपी रेसिपी
कडीपत्ता आणि तिळाची चटणी बनवण्याची कृती
सर्वात आधी तीळ भाजून घ्यायचे आहे. तीळ भाजून घेतले की, त्याच भांड्यात कडीपत्ता सुद्धा भाजून घ्यायचा आहे. कडीपत्ता भाजण्यासाठी भांड्यात तेल टाकायचे. तेल गरम झाले की, जिरे टाकायचे. त्यानंतर हिरवी मिरची आणि लसूण टाकायचा. लसूण आणि मिरची थोडी फ्राय करून घ्यायची त्यानंतर लगेच त्यात कडीपत्ता टाकून घ्यायचा.
advertisement
कडीपत्ता कुरकुरीत होईपर्यंत भाजून घ्यायचा आहे. त्यानंतर कडीपत्ता आणि तीळ बारीक करून घ्यायचे आहे. त्यावेळी त्यात मीठ आणि हळद टाकून घ्यायची आहे. त्यानंतर पौष्टिक अशी चटणी तयार होईल. दररोजच्या जेवणात ही चटणी तुम्ही घेऊ शकता. यात खायच्या वेळी लागत असल्यास थोडा लिंबाचा रस देखील तुम्ही टाकू शकता.
कडीपत्ता आणि तीळ हे प्रमाण तुम्ही तुम्हाला पाहिजे तसे कमी जास्त करू शकता. तसेच यात थोडी चणा डाळ आणि उडीद डाळ सुद्धा तुम्ही टाकू शकता.