TRENDING:
सर्वोच्च न्यायालयाच्या निर्णयाची कल्पना कदाचित टिकटॉकच्या अधिकाऱ्यांना पूर्वीपासून असावी. म्हणूनच निर्णयाची अमंलबजावणी होण्याच्या 2 तास आधीपासूनच टिकटॉकने आपली सेवा स्वत:हून बंद केली. 17 कोटींहून अधिक अमेरिकन लोकांना या टिकटॉकबंदीचा फटका बसलाय. ज्या लोकांच्या फोनवर ॲप होते त्यांना एक मेसेज आला की, ‘अमेरिकेत टिकटॉकवर बंदी घालण्यासाठी कायदा करण्यात आला आहे. त्यामुळे तुम्हाला टिकटॉक वापरता येणार नाही. आम्हाला माफ करा.’
advertisement
बायडेन सरकारवर अप्रत्यक्ष टिका ?
बायडेन सरकारने अमेरिकेत टिकटॉकवर बंदी लादण्याचा निर्णय घेतल्यामुळे टिकटॉकने अप्रत्यक्षपणे बायडेन सरकारवर टीका केल्याचं दिसून येतंय. अमेरिकन नागरिकांना पाठवलेल्या संदेशात टिकटॉकने असं म्हटलं आहे की, ‘आमच्यावर घातलेल्या बंदीमुळे आम्ही तुम्हाला तूर्तास सेवा जरी देऊ शकत जरी नसलो तरीही डोनाल्ड ट्रम्प राष्ट्राध्यक्ष झाल्यानंतर टिकटॉकला दिलासा मिळेल, भविष्यात ट्रम्प यांनी पदभार स्वीकारल्यानंतर ते टिकटॉकवरची बंदी हटवतील असा विश्वास आम्हाला आहे. तोपर्यंत आमच्याशी कृपया जोडलेले राहा.’
हे सुद्धा वाचा : TikTok, Helo तुम्हीही वापरत असाल तर बंदीनंतर सगळ्यात आधी करा हे काम
कायदेशीर अडचणी टाळण्यासाठी त्वरीत बंदी
जो बायडन प्रशासनाने टिकटॉकवर बंदी घातली असती तरीही नियमानुसार टिकटॉकला 90 दिवसांचा वेळ मिळू शकतो अशी शक्यता निर्वाचित अध्यक्ष ट्रम्प यांनी व्यक्त केलीये. सध्या टिकटॉकला कोणतीहा नवीन कायदेशीर पेच नकोय म्हणून त्यांनीच ॲप आणि कॅपकट सारख्या इतर संबंधित सेवा देखील Google Play आणि Apple App Store वरून काढून टाकल्या आहेत.
TikTok चा धोका का?
CNN च्या रिपोर्टनुसार, अनेक सोशल मीडिया इन्फ्लुएन्सर आणि अनेक व्यवसाय पूर्णपणे टिकटॉकवर अवलंबून आहेत. त्यामुळे वापरकर्त्यांची सगळी माहिती ही टिकटॉककडे उपलब्ध आहे. त्यातच टिकटॉकचे चीनचे असलेले संबंध यामुळे राष्ट्रीय सुरक्षेला धोका होऊन शकतो. म्हणूनच फक्त टिकटॉकच नाही तर इतर चीनी कंपन्यांच्या सोशल मीडिया प्लॅटफॉर्मवर देखील बंदी घातली जाणार आहे.
हे सुद्धा वाचा : TikTok सह 52 चिनी अ‍ॅप बंद करा, गुप्तचर संस्थेची केंद्र सरकारला शिफारस