ॲपल सायडर व्हिनेगर कधी आणि कसं घ्यावं? जाणून घ्या योग्य पद्धत्त, तरच व्हाल स्लिम अन् फिट!

ॲपल सायडर व्हिनेगरचे फायदे तर बहुतेक लोकांना माहीत आहेत, पण ते कसं वापरायचं याची योग्य पद्धत अनेकांना ठाऊक नसते. चला तर मग आज आपण जाणून घेऊया... वजन कमी करण्यासाठी ॲपल व्हिनेगर कशा प्रकारे वापरायला हवं.

हेल्थलाईनच्या रिपोर्टनुसार

1) संशोधनात असं दिसून आलं आहे की, ॲपल सायडर व्हिनेगरचा वापर हजारो वर्षांपासून आरोग्य टॉनिक म्हणून केला जातोय. यात अनेक नैसर्गिक घटक असतात, जे आपल्या आरोग्यासाठी खूपच फायदेशीर असतात. काही अभ्यासांमध्ये असंही आढळलं आहे की ॲपल सायडर व्हिनेगर प्यायल्याने लोकांची भूक कमी होते, ज्यामुळे वजन कमी व्हायला मदत होते.

advertisement

2) ॲपल सायडर व्हिनेगर अनेक पदार्थांमध्ये मिसळून खाता येत असलं तरी, ते घेण्यापूर्वी एका ग्लास पाण्यात 15 ते 30 मिलीलीटर मिक्स करून प्यावं. जास्त फायद्यासाठी दिवसातून दोन वेळा, म्हणजे सकाळी आणि संध्याकाळी 15-15 मिलीलीटर पाण्यात मिसळून पिऊ शकता. यामुळे वजन कमी होऊ शकतं.

3) आरोग्य तज्ज्ञांच्या मते, जर ॲपल सायडर व्हिनेगर पाण्यात मिसळून रिकाम्या पोटी घेतलं तर वजन कमी करण्यासोबतच त्याचे इतरही अनेक फायदे मिळतात. सकाळी रिकाम्या पोटी ॲपल सायडर व्हिनेगर प्यायल्याने शरीराची मेटाबॉलिझम क्रिया सुधारते. या व्हिनेगरमध्ये असलेले एन्झाईम पचनक्रिया सुधारतात आणि गॅस, ॲसिडिटीसारख्या समस्यांपासून आराम देतात.

4) रिकाम्या पोटी ॲपल सायडर व्हिनेगर प्यायल्याने रक्तातील साखरेची पातळी नियंत्रणात राहते. हे मधुमेह असलेल्या रुग्णांसाठी खूपच फायदेशीर आहे. इतकंच नव्हे तर ते शरीरातील विषारी घटक बाहेर काढण्यासही मदत करतं.

5) काही संशोधनात असंही आढळलं आहे की, नियमितपणे ॲपल सायडर व्हिनेगर प्यायल्याने शरीरातील खराब कोलेस्ट्रॉलची (LDL) पातळी कमी होऊ शकते. ॲपल सायडर व्हिनेगरमध्ये असलेले अँटीबॅक्टेरियल आणि अँटीऑक्सिडंट गुणधर्म शरीराची रोगप्रतिकारशक्ती वाढवण्यास मदत करतात. यासोबतच ॲपल सायडर व्हिनेगर त्वचेला तजेलदार बनवतं आणि कोंड्याची समस्या कमी करतं. परंतु, आरोग्य तज्ज्ञ असा इशाराही देतात की, लोकांनी ॲपल सायडर व्हिनेगर जास्त प्रमाणात आणि दीर्घकाळ घेऊ नये. असं केल्याने शरीरावर त्याचे दुष्परिणामही होऊ शकतात. त्यामुळे व्हिनेगर वापरण्यापूर्वी डॉक्टरांचा किंवा आहारतज्ञांचा सल्ला नक्की घ्या.

हे ही वाचा : Google वर आजार आणि औषधांबद्दल माहिती शोधताय? अशी चूक करू नका, कारण…

हे ही वाचा : नारळपाण्याने घेतला जीव! Coconut water प्यायल्यानंतर काही तासांतच मृत्यू, तुम्हीही पिताय तर सांभाळून