दिवाळी म्हटलं की पणत्यांची आरास आलीच. पण पणत्यांना तेलही तितकंच लागतं. पण आता तुम्ही पाण्यावरही दिवे पेटवू शकता. बाजारात मिळणाऱ्या सेन्सर दिव्यांपेक्षाही भारी अशा मातीच्या पणत्या तुम्ही पाण्यावर पेटवू शकता. आता मातीच्या पणत्या पाण्यावर कशा पेटवायच्या हे एका गृहिणीने दाखवलं आहे.
Jugaad Video : दिवाळीची एक पणती टॉयलेटमध्येही! बाथरूममध्ये दिवा आणि चमत्कार पाहा
advertisement
सगळ्यात आधी तुम्ही मातीचे दिवे नवीन घेतले असतील तर एक तासभर किंवा किमान 15 मिनिटं तरी ते पाण्यात बुडवून ठेवा आणि सुकवून घ्या. आता कापसाच्या वाती करून घ्या. वाती बनवताना हाताला दूध किंवा थोडं पाणी लावा यामुळे वात घट्ट बनते. वात जितकी घट्ट तितकी वाती चांगली आणि बराच वेळ पेटत राहते.
आता पणत्यांमध्ये पाणी भरा. पाणी पणत्यांमध्ये पूर्ण भरायचं नाही. वर थोडी जागा मोकळी ठेवा. या पणत्यांमध्ये फक्त एक चमचा तेल टाका. आता तयार केलेल्या वाती तेलात बुडवून घ्या आणि पणतीत जिथं तेल आहे त्यात वाती ठेवा. वाती ठेवताना लक्षात ठेवा की वातीचं मागील टोक त्या तेलात बुडायला हवं आणि पुढील टोक पाण्यात बुडू देऊ नका. ते पणतीच्या टोकावर ठेवा. टेराकोटाच्या पणत्याही तुम्ही अशा पद्धतीने पेटवू शकता.
Kapur : पूजेत वापरता तो कापूर कशापासून बनवतात तो माहितीये? तो पेटतो कसा काय?
पणत्यांमधून टिक-टिक असा आवाज आला तर त्या पणतीत थोडं पाणी चमचाभर तेल पुन्हा टाका. एक चमचा तेलात पणत्या एक-दीड तास आणि दोन चमचे तेलात अडीच-तीन तास पेटत राहतील असा दावा या महिलेने केला आहे. कमीत कमी तेलात पाण्यावर चालणारे हे दिवे तुम्हीही बनवून पाहा आणि कसे झाले आम्हाला आमच्या सोशल मीडियाच्या कमेंट बॉक्समध्ये नक्की सांगा. भावना कुकिंग वर्ल्ड युट्यूब चॅनेलवर हा व्हिडीओ पोस्ट करण्यात आला आहे.