Jugaad Video : दिवाळीची एक पणती टॉयलेटमध्येही! बाथरूममध्ये दिवा आणि चमत्कार पाहा

दिवाळी म्हणून तुम्ही नवीन पणत्या घेतल्या असतील. गेल्या वर्षीच्या  दिवाळीतील वापरलेल्या जुन्या पणत्या आता तुमच्याकडे पडलेल्या असतील. त्या फेकून देण्याचा विचार असेल किंवा त्याचं काय करायचं असा प्रश्न असेल तर तुम्ही त्या पणत्या टॉयलेटमध्ये वापरू शकता. आता टॉयलेटमध्ये पणती लावण्याचा काय फायदा आहे, हे पाहण्याची उत्सुकता तुम्हालाही असेल. चला तर मग हा व्हिडीओ पाहुयात.

व्हिडीओत तुम्ही पाहाल तर गृहिणीने आधी एका भांड्यात कपड्यांची पावडर घेतली. त्यात खायचा सोडा टाकला आणि त्यात अर्धा लिंबू पिळला. त्यानंतर तिनं ते मिश्रण हातांनीच नीट मिक्स करून घेतलं. त्यानंतर एक पणती घेतली आणि या पणतीत हे मिश्रण दाबून दाबून भरलं. पणती पूर्णपणे एका प्लॅस्टिक पिशवीत गुंडाळली. या पिशवीला एक दोरा बांधला. त्यानंतर पणतीच्या वर प्लॅस्टिकला छिद्रं पाडली.

आता याचं करायचं काय तर ही पणती तुम्हाला तुमच्या टॉयलेटच्या फ्लश टँकमध्ये लावून ठेवायची आहे. जेव्हा जेव्हा तुम्ही फ्लश कराल तेव्हा पणतीच्या प्लॅस्टिकवर असेलल्या छिद्रातील मिश्रण पाण्यात जाईल आणि त्या पाण्यानं तुमचं टॉयलेट स्वच्छ होईल. म्हणजे हा तुमचा घरगुती टॉयलेट क्लिनर तयार झाला. त्यामुळे बाजारातील टॉयलेट क्लिनरवर पैसे वाया घालवण्याची गरज नाही. शिवाय पुन्हा पुन्हा टॉयलेट स्वच्छ करण्याच्या त्रासातूनही सुटका होईल.

Avika rawat foods युट्युब चॅनेलवर हा व्हिडीओ पोस्ट करण्यात आला आहे. हा उपाय तुम्ही करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की सांगा.

(सूचना - हा लेख सोशल मीडियावरील व्हायरल व्हिडीओवर आधारित आहे. न्यूज18मराठीचा याच्याशी काहीही संबंध नाही. न्यूज18मराठी याची हमी देत नाही.)