अति आत्मविश्वास किंवा अहंकार
काही मुलांना असे वाटते की, जास्त ॲटिट्यूड दाखवल्याने ते "कूल" दिसतील, पण महिला असे ढोंगी ॲटिट्यूड लगेच ओळखतात. जेव्हा तुम्ही प्रत्येक गोष्टीत स्वतःलाच बरोबर सिद्ध करण्याचा प्रयत्न करता किंवा इतरांना कमी लेखून स्वतःची प्रशंसा करता, तेव्हा तो आत्मविश्वास नसून अहंकार असतो. जे मुलं सतत स्वतःला 'हिरो' समजतात, त्यांच्यापासून मुली दूरच राहतात.
advertisement
स्वच्छता आणि ग्रूमिंगकडे लक्ष न देणे
अनेक मुलं आपल्या वैयक्तिक स्वच्छतेकडे गांभीर्याने लक्ष देत नाहीत. घाणेरडी नखे, दुर्गंधी येणारे कपडे किंवा विस्कटलेले केस तुम्हाला केवळ आळशीच नव्हे, तर बेजबाबदारही बनवतात. महिलांना असे पुरुष आवडतात जे नीटनेटके, व्यवस्थित आणि स्वतःची काळजी घेणारे असतात. लक्षात ठेवा, तुमचा बाह्य देखावा यापेक्षा तुमच्या सवयी जास्त मोठा प्रभाव पाडतात.
खोटे बोलणे किंवा बहाणे करणे
एकदा खोटे बोलताना पकडले गेल्यास विश्वास तुटणे स्वाभाविक आहे. जर तुम्ही प्रत्येक लहान-मोठ्या गोष्टीसाठी बहाणे करत असाल, वेळ मारून नेण्यासाठी खोटे बोलत असाल किंवा तुमचे इरादे स्पष्ट ठेवत नसाल- तर महिलांना लगेच समजून जाते की तुम्ही गंभीर नाही. कोणत्याही नात्याचा पाया प्रामाणिकपणा आणि विश्वासावर आधारित असतो.
महिलांचा आदर न करणे
अनेक मुलं महिलांच्या मतांकडे, आवडी-निवडींकडे दुर्लक्ष करतात. कोणतीही मुलगी अशा पार्टनरला पसंत करत नाही, जो तिला कमी लेखतो किंवा तिच्या आत्मविश्वासाला ठेच पोहोचवतो. समानतेचे नातेच टिकून राहते. जर तुम्ही एखाद्या स्त्रीला 'कमजोर' किंवा 'कमी' समजत असाल, तर विश्वास ठेवा, ती तुमच्यासोबत भविष्य पाहणार नाही.
अति नियंत्रक किंवा पझेसिव्ह असणे
जर तुम्ही तुमच्या पार्टनरच्या लोकेशनवर, मित्रांवर, कपड्यांवर किंवा सोशल मीडियावर सतत नजर ठेवत असाल, तर ते प्रेम नसून गुदमरणारे नाते बनते. प्रत्येक व्यक्तीला स्वातंत्र्याची गरज असते - अगदी नात्यातही. जास्त पझेसिव्ह असल्यामुळे महिला अस्वस्थ होतात आणि लवकरच त्या या नात्यातून बाहेर पडण्याचा मार्ग शोधू लागतात. जर तुम्हाला नाते दीर्घकाळ टिकवायचे असेल आणि तुमच्या आयुष्यात खरे प्रेम यावे असे वाटत असेल, तर सर्वप्रथम स्वतःमध्ये सुधारणा करा. महिलांचा आदर करा, त्यांच्या भावना समजून घ्या आणि तुमच्या वागण्यात नम्रता आणा. लक्षात ठेवा, प्रेम दिखाव्याने नाही, तर समजून घेण्याने आणि चांगल्या वागणुकीने फुलते.
हे ही वाचा : पावसाळ्यात चुकूनही करू नका 'या' गोष्टींकडे दुर्लक्ष; नाहीतर पडाल आजारी! कशी घ्याल काळजी?
हे ही वाचा : Phubbing In Marriage: तुमचा पार्टनर फोनमध्येच असतो का? सावधान, 'फबिंग'मुळे नातं होऊ शकतं उद्ध्वस्त!