Yoga For Kids : मुलांच्या चांगल्या वाढीसाठी 5 सर्वोत्तम योगासनं! शरीर बनवतात मजबूत आणि मेंदू ठेवतात सक्रिय

अशावेळी योग हा मुलांसाठी एक सोपा आणि प्रभावी मार्ग आहे, ज्यामुळे केवळ त्यांचे शरीर लवचिक आणि मजबूत होत नाही तर त्यांची एकाग्रता आणि रोगप्रतिकारक शक्तीही सुधारते. चला जाणून घेऊया अशी 5 योगासने जी मुलांच्या वाढीसाठी आणि फिटनेससाठी सर्वाधिक फायदेशीर आहेत.

मुलांना नक्की शिकवा ही 5 योगासने

1. ताडासन (Mountain Pose)

advertisement

ताडासन मुलांची उंची आणि शरीराची ठेवण (पोस्चर) सुधारण्यासाठी अतिशय उपयुक्त आहे. हे आसन मणक्यांना सरळ ठेवते आणि शरीराच्या वाढीस मदत करते. शरीराची स्ट्रेचिंग होते, रक्ताभिसरण वाढते आणि शरीराचा समतोल सुधारतो.

कसे करावे : मुले पाय एकत्र करून सरळ उभी राहावीत, हात डोक्यावर जोडावेत आणि टाचा वर उचलाव्यात. काही सेकंद या स्थितीत राहून हळूहळू खाली यावे.

2. भुजंगासन (Cobra Pose)

भुजंगासन मुलांचा मणका मजबूत बनवते. हृदय आणि फुफ्फुसांची क्षमता वाढवते. हे आसन मुलांच्या पाठदुखी आणि थकवा कमी करते तसेच शरीर लवचिक बनवते.

कसे करावे : पोटावर झोपा, तळहात खांद्याजवळ ठेवा आणि हळूहळू छाती वर उचला. मान मागे वाकवून काही सेकंद थांबा, नंतर परत खाली या.

3. वृक्षासन (Tree Pose)

हे आसन मुलांमध्ये संतुलन आणि एकाग्रता वाढवण्यास मदत करते. लक्ष केंद्रित करण्याची क्षमता वाढते आणि शरीराचा समतोल सुधारतो.

कसे करावे : एका पायावर उभे राहा आणि दुसरा पाय मांडीच्या आतल्या बाजूला ठेवा. दोन्ही हात नमस्कार मुद्रेत डोक्यावर जोडा. काही सेकंद संतुलन ठेवा.

4. धनुरासन (Bow Pose)

धनुरासन संपूर्ण शरीराच्या स्नायूंना सक्रिय करते आणि वाढीस मदत करते. हे आसन पचनक्रिया सुधारते, मणका मजबूत बनवते आणि शरीराला ऊर्जा देते.

कसे करावे : पोटावर झोपा, गुडघे वाकवून घोटे पकडा आणि श्वास घेत शरीर वरच्या दिशेने उचला. काही सेकंद थांबा आणि नंतर रिलॅक्स करा.

5. बालासन (Child’s Pose)

हे आसन मुलांचे मन शांत करते आणि मानसिक तणाव कमी करते. हे आसन मुलांना रिलॅक्स वाटायला मदत करते, झोप सुधारते आणि मन ताजेतवाने ठेवते.

कसे करावे : जमिनीवर गुडघ्यांवर बसा, नंतर हळूहळू पुढे झुका आणि डोके जमिनीला लावा. हात पुढे पसरवा.

मुलांच्या दिनचर्येत ही योगासने समाविष्ट केली गेली तर त्यांच्या शारीरिक वाढीसोबतच एकाग्रता आणि आत्मविश्वासातही सुधारणा दिसून येईल. दिवसाची सुरुवात फक्त 15 ते 20 मिनिटांची योगासने केली तर मुले अधिक सक्रिय, आनंदी आणि निरोगी राहतील. योग केवळ शरीरच नव्हे तर मनालाही मजबूत बनवतो आणि हीच त्यांच्या उज्ज्वल भविष्यासाठी खरी सुरुवात आहे.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.