Gold Silver Price Today: 12 तासांत 13000 रुपयांनी गडगडली चांदी, Gold Rate ची काय स्थिती, वाढणार की कमी होणार?

सोन्याचे दर</a> १००० रुपयांनी घसरले आहेत. " width="1600" height="900" /> महानगरपालिका निवडणुकीसाठी सरकारी सुट्टी जाहीर करण्यात आली आहे. राज्य सरकारने शाळा महाविद्यालयं आणि बऱ्याच ठिकाणी कार्यालयांना देखील सुट्टी देण्याचे आदेश दिले आहेत. त्याच दरम्यान एकीकडे निवडणुकीसाठी मतदान पार पडत असताना सोन्या चांदीचे दर मात्र 12 तासात चांगलेच कोसळले आहेत. चांदी तब्बल 13 हजार रुपयांनी खाली आली आहे. तर सोन्याचे दर १००० रुपयांनी घसरले आहेत.

999 शुद्ध चांदीचे एक किलोचे दर 13 हजार रुपयांनी स्वस्त झाले. 2 लाख 78 हजारवर चांदीचे दर पोहोचले आहेत. मात्र पुन्हा एकदा हळूहळू ही दरवाढ व्हायला सुरुवात झाली आहे. जानेवारी अखेरपर्यंत हे दर 3 लाख रुपयांपर्यंत पोहोचतील असे सांगितले जात आहे.

सोन्याच्या दरांचा विचार करायचा झाला तर ९९९ शुद्ध 1 तोळा सोन्यासाठी ग्राहकांना आताच्या घडीला १ लाख ४३ हजार ५२३ रुपये मोजावे लागणार आहेत. तर २२ कॅरेटसाठी १ लाख ३१ हजार रुपये मोजावे लागणार आहेत. 18 कॅरेटसाठी ग्राहकांना १ लाख ७ हजार रुपये मोजावे लागणार आहेत.

GST सह सोन्याचा विचार करायचा झाला तर 1 लाख 46 हजार रुपयांच्या आसपास हे दर पोहोचले आहेत. दीड लाख रुपयांसाठी केवळ 4 हजार रुपये कमी दर आहेत. येत्या काळात सोनं दीड लाख रुपयांचा टप्पा सहज पार करेल असं तज्ज्ञांचा दावा आहे. त्यामुळे लग्नसराई आणि सणासुदीच्या काळात वाढलेले हे दर डोकेदुखी ठरत आहेत.

अमेरिकेचे राष्ट्राध्यक्ष डोनाल्ड ट्रम्प यांनी इराणसोबत व्यापार करणाऱ्या देशांवर २५ टक्के टॅरिफ लावल्याने जागतिक व्यापारात भीतीचे वातावरण आहे. इराण आणि अमेरिकेतली संघर्ष थांबण्याचे नाव घेत नाही. त्याच पार्श्वभूमीवर सोन्या चांदीचे दर वाढण्याची शक्यता आहे.

अमेरिकेचे फेडरल रिझर्व्हचे अध्यक्ष जेरोम पॉवेल यांच्यावर सुरू झालेल्या गुन्हेगारी चौकशीमुळे अमेरिकन अर्थव्यवस्थेत अस्थिरता निर्माण झाली आहे. ट्रम्प आणि पॉवेल यांच्यातील वादामुळे डॉलर कमकुवत होण्याची भीती आहे.