TRENDING:
कनक मुंदडा ही छत्रपती संभाजीनगर शहरातील उस्मानपुरा भागात राहते. मे महिन्यामध्ये या रेकॉर्डसाठी तिच्या पालकांनी अप्लाय केलं होतं. जुलै महिन्यामध्ये तिच्या नावे रेकॉर्ड झाला. कनकच्या आईने दिलेल्या माहितीनुसार, कनकला वैज्ञानिक शोधांबद्दल फार आकर्षण आहे. ती नेहमी शोध आणि त्यामागील शास्त्रज्ञांची नावं जाणून घेण्यास उत्सुक असते. म्हणून पालकांनी तिला शास्त्रज्ञांची नावं शिकायला सुरुवात केली. तल्लख बुद्धीच्या कनकने शिकवलेली सर्व नावं लक्षात ठेवली. आता तिने 1 मिनिट 50 सेकंदात 50 शास्त्रज्ञांची नावं सांगितली आहेत.
advertisement
कनकचे वडील म्हणाले, "एक वडील म्हणून मला तिचा खूप अभिमान आहे. तिच्या यशामध्ये कनकची आई आणि भाऊ रणक यांचा मोठा वाटा आहे. रोज रात्री कनकचा भाऊ तिची प्रॅक्टिस घेत होता. आम्ही कनकला अजिबात मोबाईल देत नाही. टीव्ही देखील शनिवार आणि रविवारीच बघायला मिळते. इतर दिवस आमची मुलं पुस्तकं आणि बाहेर जाऊन खेळण्यात रमतात. इतर पालकांनी देखील मुलांना डिजिटल गोष्टींपासून दूर ठेवावं असा सल्ला मी देईल."
कनकने आतापर्यंत केलेले रेकॉर्ड
वय 18 महिने : देशांचे झेंडे, स्वातंत्र्यसैनिक, फळे-भाज्या व प्राणी यांची ओळख - कलाम वर्ल्ड रेकॉर्ड्स
वय 20 महिने : इंटरनॅशनल बुक ऑफ रेकॉर्ड्समध्ये 'Super Talented Kid' म्हणून मान्यता
वय 2.5 वर्षे : 22 अंतर्गत अवयवांची नावे फक्त 40 सेकंदात - इंडिया बुक ऑफ रेकॉर्ड्स
वय 2 वर्षे 10 महिने : 29 राज्यांच्या राजधान्यांची नावे 52 सेकंदात - ओएमजी बुक ऑफ रेकॉर्ड्स
वय 3 वर्षे : 65 देशांच्या राजधान्यांची नावे 1 मिनिट 50 सेकंदात - वर्ल्डवाईट बुक ऑफ रेकॉर्ड्स
वय 4 वर्षे 11 महिने : 50 शास्त्रज्ञांची नावे 1 मिनिट 50 सेकंदात - इंडिया बुक ऑफ रेकॉर्ड्स