Ahmednagar city Vidhan Sabha: संग्राम जगताप महायुतीचा नगर सुभा राखणार की शरद पवारांचे कमळकर सुभेदार होणार?

महाविकास आघाडीच्या वतीने नगर शहर विधानसभेची जागा राष्ट्रवादी (शरदचंद्र पवार) पक्षाचे अभिषेक कळमकर यांना देण्यात आली आहे. वास्तविक नगर शहर विधानसभा मतदारसंघ शिवसेनेचा बालेकिल्ला असताना देखील ही जागा राष्ट्रवादीला दिल्याने शिवसैनिकांमध्ये नाराजी पाहायला मिळते आहे. युती आणि आघाडी दोन्हीकडचे शिवसैनिक या वर्षी नाराज आहेत. या नाराजीचा फटका कुठल्या राष्ट्रवादीला अधिक बसणार यावरून ही जागा कोण जिंकणार हे ठरेल.

advertisement

2019 विधानसभा निकाल

संग्राम जगताप - राष्ट्रवादी – 81,217

अनिल राठोड – शिवसेना - 70,078

2024 लोकसभा निवडणुकीला काय झालं?

नुकत्याच झालेल्या लोकसभा निवडणुकीत अहमदनगर लोकसभेत भाजपला पराभव पत्करावा लागला. निलेश लंके जाएंट किलर ठरले. भाजपचे माजी खासदार सुजय विखे-पाटील यांना शरदचंद्र पवार गटाच्या निलेश लंके यांनी पराभूत केलं. शरद पवार लंकेंच्या प्रचारासाठी मैदानात उतरले तर निलेश लंकेंविरोधात अजित पवार स्वतः प्रचार करत होते. आणि त्यांच्या निमित्तानेच काका-पुतण्यांमधील संघर्ष सगळ्यांना दिसला होता.

अहमदनगर जिल्ह्यातील विधानसभा मतदारसंघांचं सध्याचं बलाबल

राज्यातील सर्वात मोठा जिल्हा म्हणून ओळखल्या जाणाऱ्या नगर जिल्ह्यात विधानसभेचे एकूण 12 मतदारसंघ आहेत.

1. अकोले - किरण लहामटे (राष्ट्रवादी)

2. संगमनेर -बाळासाहेब थोरात (काँग्रेस)

3. शिर्डी - राधाकृष्ण विखे पाटील (भाजप)

4. कोपरगाव - आशुतोष काळे (राष्ट्रवादी)

5. श्रीरामपूर - लहू कानडे (काँग्रेस)

6. नेवासा- शंकरराव गडाख (अपक्ष) आता शिवसेना (उबाठा)

7. शेवगाव पाथर्डी - मोनिका राजळे (भाजप)

8. राहुरी - प्राजक्ता तनपुरे (राष्ट्रवादी)

9. पारनेर - निलेश लंके (राष्ट्रवादी) सध्या रिक्त

10. अहमदनगर शहर - संग्राम जगताप (राष्ट्रवादी)

11. श्रीगोंदा- बबनराव पाचपुते (भाजप)

12. कर्जत जामखेड - रोहित पवार (राष्ट्रवादी)