विधानसभेपूर्वी शरद पवारांचा मोठा डाव; भाजपचा नेता तुतारी हाती घेणार?

अहमदनगरमधून मोठी बातमी समोर येत आहे, भाजपचा आणखी एक नेता राष्ट्रवादी शरद पवार गटाच्या वाटेवर असल्याची चर्चा सुरू झाली आहे. कोपरगावच्या माजी आमदार स्नेहलता कोल्हे यांचे पुत्र विवेक कोल्हे शरद पवार गटात प्रवेश करणार असल्याची चर्चा सुरू आहे.   विवेक कोल्हे आज शरद पवारांची भेट घेणार आहेत, वसंतदादा शुगर इन्स्टिट्यूट व्हीएसआय बैठकीच्या निमित्ताने शरद पवार आणि विवेक कोल्हे एकत्र येणार आहेत, त्यावेळी पवार आणि कोल्हे यांच्यामध्ये राजकीय चर्चा होण्याची शक्यता आहे.

advertisement

उपमुख्यमंत्री अजित पवार यांनी कोपरगावचे विद्यमान आमदार आशुतोष काळे यांना उमेदवारी निश्चित केली आहे, मात्र दुसरीकडे विविक कोल्हे देखील इच्छूक असल्याचं बोललं जात आहे. त्यामुळे विवेक कोल्हे लवकरच तुतारी हाती घेणार अशी मतदारसंघात अनेक दिवसांपासून चर्चा  सूरू आहे.  कोल्हे शरद पवार गटात गेल्यास कोपरगावमध्ये घड्याळ विरुद्ध तुतारी लढत होण्याची शक्यता आहे. दरम्यान यापूर्वी शरद पवार यांनी राष्ट्रवादी अजित पवार गटाला देखील मोठा धक्का दिला आहे, आता भाजपला धक्का बसण्याची शक्यता आहे.