दारूची नशा जीवावर बेतली; मित्रांसोबत शिर्डीला आला, हॉटेलमध्ये तरुणासोबत घडलं भयानक कांड

घटनेबाबत अधिक माहिती अशी की, शुभम नारखेडे , वय 25 रा.शेंभा, तालुका मोताळा हा तरुण आपल्या अन्य तीन मित्रांसह शिर्डीला साईबाबांच्या दर्शनासाठी आला होता. हा धक्कादायक प्रकार शिर्डीजवळच असलेल्या निमगाव कोऱ्हाळे येथील एका हॉटेलमध्ये घडला आहे. दारूच्या नशेत ते हॉटेलच्या टेरेसवर चढले मात्र अंदाज न आल्यानं तोल जाऊन शुभम खाली पडला. या घटनेत त्याचा मृत्यू झाला आहे.

advertisement

दारूच्या नशेत अंदाज न आल्यानं मृत्यू 

घटना घडली तेव्हा शुभम हा दारू पिलेला होता. दारूच्या नशेत ते हॉटेलच्या टेरेसवर गेले. मात्र दारू पिल्यानं अंदाज न आल्यामुळे त्याचा टेरेसवरून खाली पडून मृत्यू झाला. त्याचा मृतदेह शवविच्छेदनासाठी ग्रामीण रुग्णालयात पाठवला असून, घटनेबाबत अधिक तपास सुरू असल्याची माहिती शिर्डी पोलिसांनी दिली आहे.